Sonur John McClane fundinn

Þegar John McClane bjargaði Bandaríkjunum frá illu mönnunum í Live Free or Die Hard, þá var hann líka að bjarga dóttur sinni. Í A Good Day To Die Hard, það er Die Hard 5 fyrir þá sem ekki vissu, mun John McClane víst berjast samhliða syni sínum í stað þess að eyða allri myndinni í að bjarga honum. Harðhausinn sem hefur verið ráðinn til að leika afbrigði Bruce Willis, sem ber nafnið Jack, mun vera Jai Courtney. Courtney er þekktastur fyrir leik sinn í Spartacus sem Varro, en ég hef aldrei séð þá þætti. Courtney er einnig væntanlegur  í One Shot með Tom Cruise, þannig að það virðist sem svo að ferillinn hjá þessum unga manni sé að fara blómstrandi.

Þrátt fyrir það að við vitum mjög lítið um söguþráð myndarinnar þá vitum við að feðgarnir munu takast á við Rússa, því ég meina hvenær eru þeir vondu gaurarnir? Myndin er væntanleg Valentínusardag 2013, það mun vera 14. febrúar fyrir þá sem eru ennþá jafn íslenskir og ég og neita að fagna þessum Kana degi. Hér fyrir neðan er skot af Jack McClane og John McClane saman, hvernig finnst ykkur? Of harðir fyrir stóra skjáinn?