Á annan veg 2011

(Either Way)

Frumsýnd: 2. september 2011

6.6

634 atkv.

6
/10

Á annan veg er lágstemmd og mannleg kómedía með dramatískum undirtón. Myndin gerist á ótilgreindum fjallvegum á 9. áratugnum og fjallar um tvo starfsmenn Vegagerðarinnar sem vinna við að mála merkingar á malbikaða vegi, slá niður tréstikur í vegkanta, fylla í holur og annað tilheyrandi. Sá eldri og reyndari, Finnbogi, hefur verið beðinn um að gera fjölskyldu... Lesa meira

Á annan veg er lágstemmd og mannleg kómedía með dramatískum undirtón. Myndin gerist á ótilgreindum fjallvegum á 9. áratugnum og fjallar um tvo starfsmenn Vegagerðarinnar sem vinna við að mála merkingar á malbikaða vegi, slá niður tréstikur í vegkanta, fylla í holur og annað tilheyrandi. Sá eldri og reyndari, Finnbogi, hefur verið beðinn um að gera fjölskyldu kærustu sinnar greiða og útvega Fredda, yngri bróður hennar, starf hjá Vegagerðinni. Taka hann með sér út á land yfir sumarið og gera mann úr honum. Í myndinni er sambandi þessara ólíku, nánast andstæðu, persóna fylgt eftir í eyðilegu og hrjóstrugu fjalllendi. Mennirnir tveir þurfa að takast á við og umbera sérviskulega eiginleika hvors annars, deila litlu tjaldi og sofa í táfýlu þétt upp við hvorn annan – enda eru þeir tilneyddir að eyða mun meiri tíma saman en hvorugur myndi nokkurn tímann kjósa sér. Það er ekki fyrr en þeir ganga í gegnum stormasama atburði að þeir læra að meta félagsskap hvors annars og þróa með sér vináttu. Eftir því sem líður á söguna koma innri manngerðir þeirra og leyndarmál hægt og rólega upp á yfirborðið og að lokum standa báðir sannarlega á krossgötum í lífinu. Og kannski er það það, sem báðir þurfa?... minna