American Beauty 1999
Frumsýnd: 28. janúar 2000
Líttu þér nær... / ... look closer
122 MÍNEnska
Lester Burnham er með gráa fiðringinn og á í tilvistarkreppu og það hefur áhrif á líf fjölskyldu hans, sem samanstendur af kvikindislegri eiginkonu hans Carolyn og uppreisnargjarnri dóttur, Jane, sem hatar hann. Carolyn er fasteignasali, á kafi í vinnu, sem tekur upp ástarsamband við annan fasteignasala, Buddy Kane. Á sama tíma er Jane að verða ástfangin af... Lesa meira
Lester Burnham er með gráa fiðringinn og á í tilvistarkreppu og það hefur áhrif á líf fjölskyldu hans, sem samanstendur af kvikindislegri eiginkonu hans Carolyn og uppreisnargjarnri dóttur, Jane, sem hatar hann. Carolyn er fasteignasali, á kafi í vinnu, sem tekur upp ástarsamband við annan fasteignasala, Buddy Kane. Á sama tíma er Jane að verða ástfangin af Ricky Fitts, skrítna stráknum í næsta húsi, sem er eiturlyfjasali og heimildamyndagerðarmaður og býr ásamt ströngum föður og móður sem segir fátt. Tilvistarkreppa Lester rekur hann í að umbreyta lífi sínu. Hann hættir í vinnunni og fær sér vinnu á skyndibitastað. Hann byrjar að stunda líkamsrækt til að ná athygli Angela, vinkonu Jane, sem montar sig af kynferðislegum sigrum sínum um hverja helgi. Líf fólks breytist, en hugsanlega ekki til hins betra. ... minna
Aðalleikarar
Leikstjórn
Handrit
Gagnrýnin gæti orðið soldið öðruvísi en vanalega, vildi bara taka það fram. Þegar ég sá American Beauty fyrst árið 2000, þegar hún kom út á videó, fannst mér þessi mynd alveg stórkostleg bíómynd. En þegar ég horfði á þessa mynd um daginn, þá fór ég að sjá allt annað út en innantóma bíómynd. Hún hefur svo margt að segja, og er dýpri í pælingu en mann grunar. Hljómar skrýtið en satt. Myndin er ekki hrædd við að sýna fólki hversu gott og slæmt það er að lifa hér á blessuðu jörðinni okkar. Já, lífið getur verið mjög fallegt á marga vegu, en lífið getur líka verið erfitt og átakanlegt. Við eigum öll okkar sæludaga og höfum það gott, en það á líka til að við missum ástvini og einhverjir hræðilegir hlutir gerast. Svo finnst mér myndin láta mann hugsa sig um: Hvað vil ég? Hvað ætla ég mér að gera við líf mitt? Vil ég eignast stórt hús, vil ég góða vinnu og konu og há laun? Hvað er það sem er verðmætt í lífinu? Hver er tilgangur lífsins? Og finnst mér myndin vera segja við mann: Vertu frjáls, gerðu það sem þú vilt. Láttu engann stoppa þig og þín markmið. Be your own KING. Ég lít ekki á þetta sem bíómynd lengur, ég lít meir á hana sem gott kennslumyndband um hvernig maður á að lifa. Hún kennir manni að maður eigi að lifa lífinu til hins fullnusta, og njóta þess. Og sem þannig mynd, er hún einstök. En aðeins um myndina. American Beauty hefur alla þá góðu eiginleika sem einkennir sanna Óskarsmynd: Leikstjórn Sam Mendez er stórkostleg, handrit Alans Ball er einstaklega frumlegt og örugglega með bestu handritum sem hafa verið skrifuð, kvikmyndataka mjög góð, tæknivinna er frábær, húmorinn er algjör snilld, persónusköpun sú besta sem ég hef séð í bíómynd og sum atriði eru einstaklega vel stílfærð. Svo eru það leikararnir, og þvílíkur hópur þar á ferð. Þar fer helstur Kevin Spacey, sem er alveg magnaður í hlutverki Lester Burnham. Ótrúlegt hvað hann nær að skapa skemmtilegan karakter, og er alveg á því að þetta er hans langbesta frammistaða á hans ferli (með Usual Suspects). Annette Benning er einnig í stuði sem Carolyn kona Lesters, og kom það mér á óvart af hverju hún vann ekki Óskarinn. Thora Birch er sannfærandi sem dóttir Lesters og Mena Suvari er góð í hlutverki vinkonu hennar. Svo er fullt af góðum aukaleikurum með góðar frammistöður, s.s Peter Gallagher í hlutverki Real Estate King og Chris Cooper í hlutverki fyrrverandi hermanns sem er nýfluttur í hverfið hjá Lester. Svo er strákurinn sem leikur son Chris fínn. Lokaniðurstaða: American Beauty er áhrifarík og kraftmikil mynd sem er vel að Óskarsverðlaununum komin og mun ekki skilja neinn eftir ósnortinn. Í einu orði sagt: PERFECTION. 4 stjörnur. Og algjört skylduáhorf.
Sorry gott fólk en þessi mynd er drasl. Arfaslöpp og drepleiðinleg. Segir frá einhverjum náunga(sem Kevin Spacey gerir alveg óþolandi og pirrandi) sem skyndilega snarbreytist og hegðar sér eins og fáviti og byrjar að nota kannabis og hrífst af dóttur vinkonu sinnar og það er svona hér um bil öll beinagrindin. Það hefði verið hægt að gera svo mikið mikið betri mynd úr þessum efnivið en því miður er myndin eitthvað svo þunn og það lítur út fyrir að handritið hafi verið skrifað á tíu mínútum því það er ekkert vandað við umgjörðina. Og skil ég það rétt að American beauty hafi fengið fimm óskarsverlaun á sínum tíma?! Er ekki alltílæ?! Það sárafáa góða við þessa mynd er að einstaka sinnum glittar í áhugaverð samtöl(bara alls ekki nógu oft) og svo verð ég að segja að gaurinn sem leikur Ricky Fitts er nokkuð góður og leikur spennandi persónu en það bjargar myndinni skammt. Semsagt duglega misheppnuð mynd og alveg stórskrýtið hversu góða dóma hún hefur fengið. Ein stjarna á þetta sorp.
Þessi mynd er leikstýrð af Sam Mendes og handritið gerir Alan Ball sem færir okkur einnig hinu geisi vinsælu þætti six feet under. Myndin er lauslega um fertugan mann sem er staddur á tímamótum í lífinu. Hann er orðin leiður á þessu lífi sem hann lifir í og vill breyta til. Honum finnst konan sín líflaus, og hugsar ekki um neitt annað en að græða meiri og meiri peninga, honum þykir meira varið í vinkonu dóttir hans heldur en dóttir sína sjálfa. Og hann vill gera eitthvað í málinu. Og hann gerir það svo sannarlega. Þessi mynd er alveg frábær og mæli ég eindregið með henni
Satt best að segja fannst mér þessi mynd SNILLD!!!
Ég ætlaði aldrei að getað hætt að hugsa um hana þegar ég kom heim, pæla, pæla, pæla...í henni.
Frábærir leikarar og algjör snilld að hafa strák með myndatökuvél að pæla í lífinu (rétt eins og hverjir aðrir í myndinni).
En þetta var frábær mynd, vel hugsuð. Fyrst í stað hélt ég að þetta væri einhver mynd í anda American pie en hún er langt frá því að vera eins kynóð og hún.
Geðveik mynd, svo sannarlega 2 klst virði, hlaupið út í sjoppu og fáið hana leigða!
ALLS EKKI ÓSKARSVERÐLAUNAMYND. American Beauty er ósköp venjuleg mynd hún gerist í góðu hverfi í Bandaríkjunum þar sem hin fullkomna fjölskylda býr. Einn daginn vaknar faðirinn og eiginmaðurinn upp að nafni Lester og segist vera búin að fá nóg af því að þurfa alltaf að hegða sér venjulega þegar honum líður ekki eins og hann sé venjulegur. Hann hættir því að leika þennan góða faðir og eiginmann og byrjar að gera það sem hann vill gera. Hann verður ástfangin af vinkonu dóttur sinnar og hugsar oft um hana nakta. Að mínu mati hefði Kevin Spacey aldrei átt að vinna Óskarsverðlauninn heldur hefði Russell Crow eða jafnvel Jim Carrey átt að vinna þau fyrir besta leik i karlahlutverki. Svo átti American Beauty alls ekki að vinna Óskarinn fyrir bestu myndina heldur Insider sem er ein besta mynd sem ég hef nokkur tíman séð.
Um myndina
Leikstjórn
Handrit
Kostaði
$15.000.000
Tekjur
$356.296.601
Aldur USA:
R
Frumsýnd á Íslandi:
28. janúar 2000
VHS:
14. ágúst 2000