Berdreymi segir frá Adda, unglingsstrák í Reykjavík sem á skyggna móður. Hann og vinir hans alast upp án eftirlits og nota slagsmál til að leysa ágreining. Einn daginn ákveður Addi að taka vinalausan strák undir sinn verndarvæng. Djúp vinátta myndast á milli strákanna en ögrandi hegðun þeirra leiðir þá í lífshættulegar aðstæður. Draumkenndar sýnir... Lesa meira
Berdreymi segir frá Adda, unglingsstrák í Reykjavík sem á skyggna móður. Hann og vinir hans alast upp án eftirlits og nota slagsmál til að leysa ágreining. Einn daginn ákveður Addi að taka vinalausan strák undir sinn verndarvæng. Djúp vinátta myndast á milli strákanna en ögrandi hegðun þeirra leiðir þá í lífshættulegar aðstæður. Draumkenndar sýnir byrja þá að birtast Adda. Mun nýfengið innsæi hans verða honum og vinum hans leiðarljós í átt að betra lífi eða munu þeir sökkva lengra inní heim ofbeldis?... minna
Myndin er samstarfsverkefni fimm landa með meðframleiðendur frá Danmörku, Svíþjóð, Hollandi og Tékklandi.
Myndin er önnur kvikmynd Guðmundar Arnars í fullri lengd á eftir hinni margverðlaunuðu Hjartasteinn sem vakti mikla lukku meðal landsmanna og fór sigurför um kvikmyndahátíðir heims í kjölfar heimsfrumsýningar í Feneyjum 2016.
Í samtali við Verity segir Guðmundur Arnar um Berdreymi: \"Þetta er saga um vináttu, von og flóknar tilfinningar. Um hóp drengja sem upplifa sig utangátta en sækja í stuðning frá hvor öðrum. Berdreymi vekur upp spurningar á borð við: \"Hvað er sönn vinátta? Geta strákar sem virðast hafa slæm áhrif á hvorn annan samt verið vinir? Hvert er mikilvægi þess að hlusta á eigið innsæi?\"
Leikstjórinn segir í samtali við Morgunblaðið að myndin sé innblásin af tíma sínum í
Árbænum. \"Ég fór í Árbæjarskóla og þar var svolítið hörð menning í kringum 1990-2000, mikið um slagsmál og á milli hverfa og ég var svolítið í þannig vinahópi. Sagan byrjaði þar en varð svo að skáldsögu og mér finnst mikilvægt að fólk viti það því
Ísland er lítið og Árbærinn enn minni.\"
Berdreymi, ný íslensk kvikmynd eftir Guðmund Arnar Guðmundsson, hefur verið valin til þátttöku á Berlinale, alþjóðlegu kvikmyndahátíðina í Berlín, sem fer fram frá 10 til 20. febrúar.
