The Caine Mutiny 1954
As big as the ocean!
Óvenjulegur atburður, nokkuð sem aldrei hefur áður gerst í bandaríska sjóhernum, gerist um borð í litlu og fremur ómerkilegu skipi í Kyrrahafsflota Bandaríkjamanna í Seinni heimsstyrjöldinni. Skipsstjóri skipsins er leystur frá störfum af stjórnanda um borð, í einhverju sem lítur út eins og uppreisn. Eftir því sem réttarhöldum yfir uppreisnarmönnum vindur... Lesa meira
Óvenjulegur atburður, nokkuð sem aldrei hefur áður gerst í bandaríska sjóhernum, gerist um borð í litlu og fremur ómerkilegu skipi í Kyrrahafsflota Bandaríkjamanna í Seinni heimsstyrjöldinni. Skipsstjóri skipsins er leystur frá störfum af stjórnanda um borð, í einhverju sem lítur út eins og uppreisn. Eftir því sem réttarhöldum yfir uppreisnarmönnum vindur fram, þá kemur í ljós að skipstjórinn var ekki í andlegu jafnvægi, jafnvel geðveikur. Sjóherinn þarf nú að ákveða: var uppreisnin á Caine glæpur? eða var þetta hetjudáð sem bjargaði skipinu frá því að skipstjórinn stefndi því og áhöfninni í glötun.... minna
Aðalleikarar
Leikstjórn
Handrit
Klassískt og sígilt réttardrama byggt á handriti margfrægrar Pulitzer-verðlaunaskáldsögu Hermans Wouk. Segir frá því þegar tveir sjóliðsforingjar gera uppreisn gegn skipherra sínum, kapteini Quegg, og segja hann andlega vanheilan til að stjórna skipinu. Sérlega vönduð og áhugaverð sviðsetning og stórkostlegur leikur aðalleikaranna er aðall þessarar klassamyndar sem er ein af bestu kvikmyndum sjötta áratugarins. Humphrey Bogart fer á kostum í hlutverki skipherrans og er þetta eitt af hans bestu og eftirminnilegustu hlutverkum. Túlkun hans nær hámarki er Quegg er leiddur til vitnis í réttarsalnum, þar sýnir Bogart á ógleymanlegan hátt hið snúna og margbrotna sálarástand skipherrans. Þetta hlutverk er í raun síðasta stórhlutverk Bogarts, en hann lést tæpum þrem árum eftir gerð myndarinnar. Ekki má heldur gleyma öðrum leikurum, en þeir Van Johnson, Robert Francis, Fred MacMurray, José Ferrer og Lee Marvin fara einnig á kostum í hlutverkum sínum. Ég gef "The Caine Mutiny" fjórar stjörnur og mæli hreint eindregið með henni, jafnt við Bogart-aðdáendur og ekki síst við alla kvikmyndaaðdáendur. Þessi kvikmynd er allt í senn einstök, stórbrotin og ógleymanlegt meistaraverk.