The Shadow 1994
Justwatch
The Shadow Knows! / Who knows what evil lurks in the hearts of men?
108 MÍNEnska
Myndin er byggð á reifara og útvarpsþáttaseríu, og fjallar um aðalhetjuna Skugga, sem berst gegn erkióvini sínum Shiwan Khan, sem ætlar að ná heimsyfirráðum með því að halda borginni í gíslingu með kjarnorkusprengjuógn. Hetjan okkar notar hæfileika sína til að gera sig ósýnilegan og til að gera menn óskýra í hugsun, og kemur borginni til bjargar.
Aðalleikarar
Leikstjórn
Handrit
Ágætis mynd og stýlísk. Örlítið í anda Indiana Jones en samt nokkuð frábrugðin þeim myndum. Segir í stuttu máli frá titilpersónunni(Alec Baldwin)sem þarf að kljást við síðasta afkomanda Genghis Khan(John Lone). Afkomandinn sem einfaldlega heitir Shiwan getur dáleitt fólk líkt og hetjan okkar og upphefst nú hin klassíska barátta milli góðs og ills. Tim Curry kemur þarna sterkur inn sem aðstoðarmaður Shiwan´s og Ian Mckellen leikur viðutan prófessor sem undir dáleiðslu frá Shiwan smíðar eina heljarins sprengju. Alec Baldwin er góður leikari en hláturinn hans í þessari mynd er alveg hræðilega pirrandi. Sviðsmyndin af tímabilinu sem myndin á að gerast á er mjög flott enda er ég alltaf lúmskt hrifinn af þessum tíma. The Shadow fær tvær og hálfa stjörnu fyrir þokkalegt skemmtanagildi en eins og Gunnar hér fyrir ofan segir þá skilur myndin ekki mikið eftir sig.
Persónulega er ég mikill aðdáendi hasarmyndjahetjamynda (Vá langt orð), en verð vanalegast fyrir miklumm vonbrigðum þegar á hólminn er komið. En The Shadow finnst mér hin ágætis skemmtun. Alec fínn sem Skugginn, þó svo að hann hafi aldrei verið í neinu uppáhaldi hjá mér. John Lone er líka góður sem vondikarlinn og vonar maður innilega að hann lendi í miklum og kvarfullum dauðdaga þegar hann deyr. En helsti kostur myndarinnar er sá að hún er hröð, ekki er verið að teygja lobann með miklum og löngum bakruns söguþræði. Helsti ókostur þessara myndar er hinsvegar hún Penelope Ann Miller, þessi leikkona getur ekki leikið fyrir fimmaura og er ég glaður að ferill hennar er sokkinn eins og Titanic. Það er enginn þörf á að hafa lesið teiknimyndablöðinn (gæti samt trúað því að þeir sem þekkja til blaðana séu hundfúlir með myndina) og eftir stendur stutt hasarmynd, sem kannski skilur ekki mikið eftir, en ágætis skemmtun engu að síður
Undirritaður var í æsku mikill aðdáandi Shadow-teiknimyndasagnanna og á enn dágott safn. Myndin nær hinsvegar illa að grípa þann sjarma sem hasarblöðin hafa, enda oft sem ofbeldið og viðbjóðurinn keyrir um þverbak þar á bæ.
Baldwin er þó ágætur sem Skugginn, hvar hann reynir að koma í veg fyrir að einhver útlendingur sprengi heimabæ hans í loft upp með heimatilbúinni kjarnorkusprengju.
Mynd í meðallagi, ekkert meir en þó ekkert minna heldur.
Um myndina
Leikstjórn
Handrit
Kostaði
$25.000.000
Tekjur
$48.063.435
Aldur USA:
PG-13