Myndir mánaðarins, janúar 2019 - Leigan

8 Myndir mánaðarins Los Angeles er frábær en maður saknar hennar ekki þegar maður er ekki þar, öfugt við New York. Mér finnst alltaf leiðinlegt að yfir- gefa New York. - Kelly Macdonald, sem er Skoti og býr í Glasgow. Yfirleitt hefur maður ekki efni á að hafna vinnu og fyrir utan að ég hef auðvitað þurft að hafna hlutverkum sem stönguðust á við önnur verkefni sem ég hafði tekið að mér þá hef ég bara einu sinni sagt „nei takk“ við hlutverki. Það var í mynd þar semég átti að leika hryðjuverkamann. - Irrfan Khan w. Ég sé hana ekki sem vísindaskáld- sögu. Mér finnst þetta vera raun- veruleikinn sem við stefnum í. - Andrew Niccol, um nýjustu mynd sína, Anon . Kynþokkafyllsti hluti líkamans eru augun. Þar myndast tengingin. - Clive Owen . Síðan ég gifti mig (2010) hef ég látið konuna (Catherine Fitz- gerald) alfarið um að ákveða hverju ég klæðist hverju sinni. Henni finnst það gaman og eftir að ég komst yfir niðurlæging- una hef ég komist að því að þetta var afar snjall leikur hjá mér. - Dominic West . Ég hef aldrei kunnað við frægð- ina og mér finnst alltaf óþægilegt að þekkjast úti á götu og geta ekki farið í búðir án þess að vekja athygli. Ég er hrædd um að ég sé ekki mjög góð í að vera fræg. - Keira Knightley . Ég virði auðvitað marga í þessum bransa en ef ég þarf að nefna einn þá er það Sean Penn. Hann er allt í senn, frábær leikari, hand- ritshöfundur og leikstjóri. - Boyd Holbrook . X-mennirnir voru hluti af mínu uppeldi og mikið ræddir á mínu heimili. Þeir hafa því verið nokkurs konar fjölskylduvinir frá því ég man eftir mér. - Olivia Munn . Mér var eitt sinn boðið að vera heiðursgestur í gamla skólanum mínum og í stað þess að koma bara og þakka fyrir mig ákvað ég að skrifa mína fyrstu ræðu. Þannig byrjaði þetta. - Nick Offerman, um tildrög þess að hann skrifaði uppistandssýn- ingu sína, American Ham . Ég veit það ekki. Ég reyni bara að gefa þeim persónum sem ég leik hluta af sjálfri mér um leið og ég tek alltaf hlut af persónunni og geymi með mér. Einhvern veginn byggist þetta svo bara upp. - Kiersey Clemons, um hvernig hún nálgast verkefni sín . Það sem gerðist var að ég vildi spila fótbolta en var ekki valin í skólaliðið. Þá ákvað ég að fara í leiklistartíma. Þar var ég valin til að fara með aðalhlutverkið í skólaleikriti og eftir það varð ekki aftur snúið. - Vera Farmiga, um upphafið . Að vera sagt að ég sé góð fyrir- mynd. Ég er það ekki en þetta hlýjaði mér um hjartaræturnar. - Mandy Moore , ummesta hrósið . Ég kem úr mjög músíkalskri fjöl- skyldu. Pabbi kenndi mér að spila á gítar og seinna fór ég að læra á fiðlu og trommur. Það er ekki síst þessu að þakka að í dag kann ég vel að meta alla list, sama hvaða nafni hún nefnist. - Amandla Stenberg . Ég hélt að með því að leika í svona hrollvekju og sjá hvernig þær eru búnar til myndi losa mig við hræðsluna við að sjá þær. Það hefur ekki gerst, ég er alltaf jafnhrædd, jafnvel þótt ég viti frá fyrstu hendi að þetta er allt í plati. - Taissa Farmiga, sem leikur aðal- hlutverkið í The Nun . „Vertu eins og öndin,“ ráðlagði mamma mér alltaf. „Hún lítur út fyrir að vera róleg á yfirborðinu en undir niðri er hún stöðugt að.“ - Michael Caine . Ég á tíu bíla, þ. á m. Aston Martin, Lotus og Morgan. Ég nota þá ekki því ég er svo hræddur um að skemma þá. Stundum ek ég þó upp á hæðina og aftur til baka. Svo nýt ég þess að þrífa þá. - Steve Coogan, um eitthvað sem fólk almennt veit ekki um hann .