Myndir mánaðarins, janúar 2019 - Leigan

17 Myndir mánaðarins 17. janúar 135 mín Aðalhlutverk: Alina Tomnikov, Eero Aho og Johannes Holopainen Leikstjórn: Aku Louhimies Útgefandi: Sena VOD Stríðsmynd/drama Óþekkti hermaðurinn er gríðarlega vel gerð og áhrifamikil mynd sem sækir efniviðinn í eina helstu og þekktustu perlu finnskra bókmennta, stórvirkið Tuntematon sotilas eftir Väinö Linna, sem kom út 1954 og var byggð á hans eigin reynslu af Framhaldsstríðinu sem Finnar og Rússar háðu 1941–1944. Framhaldsstríðið, eins og Finnar kalla það sjálfir, var háð eftir Vetrarstríðið 1939– 1940 þegar Rússum tókst að leggja undir sig hluta Finnlands. Það var óviðsættan- legt fyrir Finna og markmiðið með Framhaldsstríðinu var að ná landinu aftur og hrekja Rússa til síns heima. Mörgþúsund ungir mennn sem höfðu ekki barist áður voru sendir til að mæta Rússunum ásamt eldri hermönnum sem höfðu meiri reynslu og vissu betur út í hvað verið var að etja þeim. Í myndinni kynnumst við nokkrum þessara hermanna sem komu úr öllum stéttum samfélagsins og þeirri baráttu sem þeir háðu við einhverjar erfiðustu aðstæður sem hugsast getur þar semkuldinn ogmatarskorturinn voru síst erfiðari óvinir en Rússarnir sjálfir. Þetta er eins og áður sagði gríðarlega áhrifamikil og vel gerð mynd sem sló aðsóknar- og tekjumet í kvikmyndahúsum og þykir ein albesta mynd Finna á þessari öld. Ekki mynd um stríð, heldur menn í stríði l Óþekkti hermaðurinn var tilnefnd til ellefu Jussi-verðlauna (finnsku kvikmyndaverð- launin) og hlaut fimm þeirra, þ.e. fyrir besta leik í aðalhlutverki karla, bestu klippingu, besta hljóð, bestu förðun og áhorfendaverð- launin. Hún var einnig tilnefnd fyrir bestu leikstjórn, besta leik í aukahlutverki karla (tvöfalt), bestu tónlist, bestu kvikmyndatöku og sem besta mynd ársins. Þess má geta að bókin kom út í íslenskri þýðingu Sigurðar Karlssonar árið 2009 og að meðframleiðendur myndarinnar eru þeir Ingvar Þórðarson og Júlíus Kemp hjá Kvikmyndafélagi Íslands. Punktar ............................. Óþekkti hermaðurinn John C. Reilly stillti sér upp með stæl á rauða dreglinum í New York 10. desember þar sem hann var mættur til að vera viðstaddur forsýningu á myndinni Stan & Ollie . Jennifer Lopez mætti í þessum efnis- og fyrir- ferðarmikla bleika kjól á forsýningu nýjustu myndar sinnar, Second Act , ásamt unnustanum Alex Rodriguez í New York 12. desember. Þau Nicole Kidman og Jason Momoa brostu breitt á forsýningu myndarinnar Aquaman sem fór fram í Hollywood 12. desember, en í myndinni leika þau mæðgin.