Myndir mánaðarins, desember 2018 - Leigan

28 Myndir mánaðarins 14. desember 88 mín Aðalhlutverk: Kayla Ewell, Ryan Merriman, Chris Ranney og Catherine Haun Leikstj.: Thadd Turner Útg.: Myndform VOD Rómantík Samantha er félagsfræðingur sem heldur úti vinsælum útvarpsþætti þar sem hún m.a. gefur einstaklingum og pörum góð ráð varðandi ástamál og önnur persónulegmál. Sjálf glímir Samantha hins vegar við að eiginmaður hennar til tveggja ára, hinn atvinnulausi John, vill alls ekki eignast barn. 2 Years of Love er eftir leikstjórann Thadd Turner og er gerð eftir sögu Lennys Mesi sem einnig skrifaði handritið. Þetta er létt, rómantísk gamanmynd með alvarlegum undirtóni enda riðar hjónaband þeirra Samönthu og Johns til falls þegar þau ná ekki saman um að eignast barn. Þegar John ákveður að gefa henni frekar hund fyllist mælirinn hjá Samönthu og hún hendir honum út og lætur skipta um lás að heimili þeirra. Vandamálið er að hún elskar John og getur ekki hugsað sér neinn annan ... en hvernig á hún að fá hann til að skipta um skoðun? Hvenær er rétti tíminn? Kayla Ewell og Ryan Merriman leika Grey-hjónin Samönthu og John sem eftir tveggja ára hjónaband eru ekki sammála um hvort tími sé til kominn að eignast barn. 2 Years of Love – Mói 14. desember 88 mín Teiknimyndir með íslensku tali um Móa og félaga Útgefandi: Myndform VOD Barnaefni Þættirnir um Móa björn, sem elskar að ferðast um heiminn á hjólinu sínu ásamt besta vini sínum og heimsækja sögufræga staði, hafa verið sýndir á RÚV. Nú koma þeir einnig út á VOD-leigunum og hér eru þættir 39 til 45 í seríunni. Teiknimyndirnar um Móa og ferðalög hans eru byggðar á bók franska barnabókahöfundarins Marcs Boutavant, Umhverfis jörðina með Móa sem kom út árið 2009 og hefur allar götur síðan notið vinsælda. Efnið er fyrir börn á leikskólaaldri sem fylgja forvitna birninum Móa á ferðalögum um heiminn og læra um sögufræga staði, lönd og borgir og alls konar hluti sem varða ekki hvað síst menningu og mismunandi siði landa og þjóða. Hver þáttur er 11mínútur að lengd. Mói Komdu með í ferðalög um heiminn