Myndir mánaðarins, september 2018

10 Myndir mánaðarins Steinaldarmaðurinn Enga bronsöld hér! Íslensk talsetning: Viktor Már Bjarnason, Hjálmar Hjálmarsson, Eyþór Ingi Gunnlaugsson, Steinn Ármann Magnússon, Þórhallur Sigurðsson (Laddi), Stefanía Svavarsdóttir, Selma Björnsdóttir og Sigríður Eyrún Friðriksdóttir Leikstjórn: Tómas Freyr Hjaltason Útgefandi: Myndform 95 mín 6. september l Sagt er að þeir Wallace og Gromit komi fram í feluhlutverkum í myndinni og eru áhorfendur hvattir til að hafa augun hjá sér! Steinaldarmaðurinn er mjög fyndin leirbrúðumynd eftir Nick Park sem gerði m.a. hina frábæru Chicken Run árið 2000 og myndirnar um hina kostulegu Wallace og Gromit, auk þess að vera aðalhöfundur myndanna um hrútinn Hrein og vini hans. Hér segir frá steinaldarunglingnum Dug sem lifir hamingjuríku lífi ásamt fjölskyldu og vinum í hringlaga dal, talsvert langt frá helstu hættum heimsins eins og eldfjöllum, risaeðlum og loðfílum. Dag einn verður heldur betur breyting á högum þeirra þegar brons- aldarkeisarinn Nooth uppgötvar dalinn og ákveður að sölsa hann undir sig. Við það er Dug skiljanlega ósáttur en má sín til að byrja með lítils gegn allri þeirri nýmóðins tækni sem bronsöldin hefur fært Nooth með tilheyrandi yfirburðum á flestum sviðum. En Dug er úrræðagóður og svo fer að hann nær að skora Nooth á hólm í fótboltaleik umhin endanlegu yfirráð. Vinni bronsaldarliðið eignast Nooth dalinn en vinni steinaldarliðið þarf Nooth að hypja sig. Vanda- málið er að það er ekki enn til neitt steinaldarlið í fótbolta ... Steinaldarmaðurinn Leirbrúðumynd Punktar .................................................... VOD DVD