Myndir mánaðarins, apríl 2018 - Leigan

27 Myndir mánaðarins 26. apríl 116 mín Aðalhl.: Holly Hunter, Tony Shalhoub, Alfred Molina og Cristin Milioti Leikstj.: AndrewWagner Útgef.: Sena VOD Gamandrama Sálfræðingurinn Eleanor Weller er ósátt við skilnað sinn og eiginmannsins, rithöfundarins Adams Weller sem sjálfur glímir við alvarlega krísu í sínu lífi. En þegar Eleanor og bróðir Adams, Paul, byrja saman versnar í því fyrir alla. Breakable You er gerð eftir samnefndri skáldsögu Brians Morton sem kom út árið 2006. Þetta er gamandrama með rómantísku ívafi svo langt sem það nær því vandræðalegri verður rómantíkin varla en í þessu tilfelli. Inn í málin blandast dóttir þeirra Eleanor og Adams, Maud, en hún er í heimspekinámi og er að skrifa ritgerð um atferli manna, sér í lagi það sem ekki þykir siðlegt. Sjálf er hún ekki nein fyrirmynd í þeim efnum. Þegar síðan Adam fær tækifæri til að eigna sér verk látins vinar og grípur það sjálfum sér til frægðar og framdráttar er botninum náð innan þessarar litlu fjölskyldu og eitthvað verður undan að láta ... Breakable You Allar fjölskyldur eiga sér sögu Holly Hunter og Tony Shalhoub leika hjónin fyrrverandi Eleanor og Adam Weller. Breakable You – Ice Girls 26. apríl 90 mín Aðalhl.: Michaela du Toit, Lara Daans, Natasha Henstridge og Taylor Hunsley Leikstj.: Damian Lee Útgefandi: Sena VOD Fjölskyldumynd Mattie er ung og efnileg skautastúlka sem er nálægt því að fá skólastyrk vegna hæfileika sinna þegar slys á skautasvellinu leiðir til þess að hún neyðist til að draga sig út úr mótinu sem hún þurfti nauðsynlega að keppa á til að fá styrkinn. Á hún möguleika á að ná aftur fyrri stöðu? IceGirls er íþrótta- og fjölskyldumyndmeð gamansömu ívafi og skartar í aðalhlut- verkum tveimur skautadrottningum, þeim Michaelu du Toit og Taylor Hunsley, auk þeirra Natöshu Henstridge, Löru Daans og Elvis Stojko sem er þrefaldur heimsmeistari og tvöfaldur Ólympíumeistari í listdansi. Þegar Mattie slasast leiðir það ekki bara til þess að hún missir af skólastyrknum heldur neyðist hún til að flytja ásamt móður sinni til heimabæjar síns á ný þar sem segja má að þær þurfi báðar að byrja upp á nýtt. En kannski, þegar upp verður staðið, var þetta í raun það besta sem gat komið fyrir þær mæðgur ... Ice Girls Ævintýri á ís Skautadrottningarnar Michaela du Toit og Taylor Hunsley í einu atriði myndarinnar en hún inniheldur að sjálfsögðu mörg flott skautaatriði.