Myndir mánaðarins, janúar 2018

29 Myndir mánaðarins Myndasyrpa í lokin Dwayne Johnson var fjallhress þegar hann mætti ásamt dóttur sinni Jasmine til að veita viðtöku stjörnu í Walk of Fame-gangstéttinni á Hollywood-breiðstrætinu 13. desember. Á meðan var Ryan Gosling staddur Atlanta þar sem enn var verið að taka upp myndina First Man en í henni leikur Ryan geimfarann Neil Armstrong sem sté fyrstur manna á tunglið. Þau Daisy Riddle og Mark Hamill höfðu hins vegar brugðið sér til Lundúna til að vera við- stödd forsýningu á nýju Star Wars -myndinni og fór vel á með þeim eins og alltaf áður. Hugh Jackman var sultuslakur að hjóla á miðri Manhattan í New York 12. desember og hafði leigt sér almenningshjól ásamt eiginkonunni Deborru-Lee Furness sem var ekki langt undan. Sama dag, bara á vesturströndinni, þ.e. í Los Angeles, var Margot Robbie úti í göngutúr með hundinn sinn í fanginu, líka alveg sultuslök. Því miður vitum við ekki hvað hundurinn heitir. Matthew McConaughey og eiginkona hans, Camila Alves, kusu hins vegar að skella sér til Miami og fara þar á tónleika með Duran Duran sem haldnir voru í Faena-leikhúsinu.