Myndir mánaðarins- Janúar 2018 - Bíó

18 Myndir mánaðarins Væntanlegt Þriðja ævintýramyndin sem við eigum von á í mars er Ready Player One eftir sjálfan Steven Spielberg sem byggir hana á samnefndri bók eftir Ernest Cline. Myndin segir frá ungum strák, Wade Watts, sem fer í ferðalag inn í stafrænan heim sem nefnist Oasis í leit að földum hlut eða vísbendingu sem skapari Oasis skildi eftir sig þegar hann dó. Sá sem finnur þennan hlut/ vísbendingu á mjög gott í vændum, eða það heldur Wade að minnsta kosti. Kannski kemur annað í ljós. Undir lok apríl eða í byrjun maí kemur svo nýjasta Avengers -myndin í bíó en hún nefnist Infinity Wars . Þar takast hetjurnar á við hinn ægilega Thanos og þurfa á allri þeirri hjálp að halda sem hægt er að fá, þar á meðal frá Guardians of the Galaxy-teyminu. Um leikstjórnina sjá þeir Anthony og Joe Russo sem gerðu Captain America -myndirnar Civil War og The Winter Soldier og þess má geta að þeir leikstýra einnig næstu Avengers - mynd sem er þegar byrjað að taka upp og er væntanleg sumarið 2019. Í byrjun júní fá aðdáendur myndar- innar Deadpool nýjan skammt af fjörinu þegar mynd númer tvö verður frumsýnd en hún á enn eftir að fá endanlegt heiti. Sem fyrr er það Ryan Reynolds sem leikur kappann og leikstjóri er David Leitch sem gerði Atomic Blonde . Fyrir utan Ryan fara með stór hlutverk þau Morena Baccarin, Josh Brolin, T.J. Miller og Brianna Hildebrand og það má alveg búast við að brandararnir verði fleiri en síðast, a.m.k. ekki færri. Skoðið heimasíðuna á Deadpool.com . X-Men -myndin The New Mutants er væntanleg í bíó um miðjan apríl og tengist að einhverju leyti atburðunum í Logan en við erum ekki alveg með á hreinu hvernig. Það ætti samt ekki að gera mikið til enda nægur tími til stefnu og þeim sem vilja skoða málið er bent á að fyrsta stiklan er komin á netið, en hún segir reyndar ekki mikið um söguna sjálfa. Leikstjóri er Josh Boone sem gerði síðast myndina The Fault in our Stars og í aðalhlutverkum eru m.a. Anya Taylor-Joy, Charlie Heaton og Maisie Williams. Næsta Star Wars -hliðarsagan, Solo , er væntanleg í bíó undir lok maímán- aðar en hún fjallar eins og margir vita og nafnið bendir til um ævintýri Hans Solo áður en hann hitti Loga geimgengil í fyrstu myndinni, þ.e. fjórða kaflanum, A New Hope . Lítið sem ekkert hefur annars spurst út um söguþráðinn en höfundar handritsins eru þeir Lawrence og Joe Kasdan og það er Ron Howard sem leikstýrir. Á meðal aðalleikenda eru Alden Ehrenreich sem leikur Han Solo, Emilia Clarke og Woody Harrelson. Að lokum viljum við geta nýju Jurassic World -myndarinnar, Fallen Kingdom , sem kemur í bíó um miðjan júní ef áætlanir standast. Ný stikla úr henni var frumsýnd um miðjan desember og hún sýnir m.a. að nú vofir yfir risaeðlunum að verða útrýmt þegar eldfjall á eyjunni þar semþær eru gerir sig líklegt til að gjósa. Annars er best að vera ekkert að segja um söguna því ljóst er að hún er mun flóknari en þetta ef marka má stikluna. Chris Pratt og Bryce Dallas Howard fara aftur með aðalhlutverkin. Ævintýramyndin A Wrinkle in Time frá Disney er líka væntanleg um miðjan mars en hún er byggð á samnefndri bókaseríu Madeleine L’Engle um systkinin Meg og Charles sem leita leiða til að finna aftur föður sinn, en hann hreint og beint hvarf eins og hann hefði gufað upp átta mánuðum fyrr þegar hann var að gera tilraunir með fimmtu víddina. Í myndinni fá þau óvænta aðstoð frá skrítnum persónum og hver veit nema þeim eigi eftir að takast að bjarga föður sínum úr prísundinni sem hann er í. Hver hlakkar ekki til að sjá Aliciu Vik- ander í hlutverki hinnar kattliðugu, hugrökku og ósigrandi ævintýrakonu Löru Croft? Myndin kemur í bíó um miðjan mars og segir eins og allir aðdáendur Löru vita frá leit hennar að föður sínum sem hvarf sporlaust á eyju einni. Þegar Lara finnur loksins þessa eyju bíða hennar hættur og ævintýri umfram það sem hún átti von á en að sjálfsögðu mun hún leysa málin að lokum eins og hún gerir alltaf. Með önnur stór hlutverk fara m.a. Walton Goggins og Nick Frost.