26 myndir mánaðarins

Underworld Awakening

Spenna

Þessi dagur hlaut að renna upp

Það er komið að fjórðu Underworld -myndinni, en hún skartar stórfenglegum tæknibrellum sem fá áhorfendur til að grípa andann á lofti.

Breska leikkonan Kate Beckinsale snýr hér aftur í hlutverki hinnar mögnuðu Selenu sem hefur leitt baráttu vampíranna fyrir tilverurétti sínum hingað til og ávallt haft sigur. Nú þarf hún að horfast í augu við sinn versta og máttugasta óvin til þessa: Manninn.

Árás mannanna er leidd af vísindamanninum Jacob (Stephen Rea) sem er harðákveðinn í að sýna hvorki vægð né miskunn. Hann hefur svarið að linna ekki árásinni fyrr en allar vampírurnar eru dauðar, og býr yfr vopni sem á að tryggja það.

En Selena og þeir sem eru með henni í liði eru heldur engin lömb að leika sér við og búast til varnar sem aldrei fyrr, vitandi að sókn er ávallt besta vörnin og að eina leiðin til að sigra er að ráðast beint inn í greni óvinarins ...

• Þetta er fyrsta Underworld -myndin sem er leikstýrt af öðrum en Les Wiseman, eiginmanni Kate Beckinsale. Les skrifar þó söguna og handritið ásamt því að framleiða myndina eins og hinar fyrri.

• Svo skemmtilega vill til að leikkonan Kate Beckinsale leikur aðal-hlutverkið í tveimur þeirra mynda sem koma út í þessum mánuði, þ.e. í Underworld Awakening , sem hér er kynnt, og í mynd Baltasars Kormáks, Contraband.

• Skoðið endilega frábærar stiklurnar sem gerðar hafa verið úr myndinni og er að fnna víða á netinu, til dæmis á kvikmyndir.is, imdb.com og youtube.com.

Veistu svarið?

Hvað eiga myndirnar V For Vendetta, Interview With the Vampire, The Crying Game, Michael Collins og Underworld Awakening sameiginlegt?

Underworld Awakening

Aðalhlutverk: Kate Beckinsale, Charles Dance, Michael Ealy, India Eisley, Kris Holden-Ried og Stephen Rea Leikstjórn: Måns Mårlind og Björn Stein Útgefandi: Sena

PUNKTAR ............................................

Selena (Kate Beckinsale) er staðráðin í að berjast til síðasta blóðdropa í Underworld Awakening.