12 myndir mánaðarins

The Twilight Saga: Breaking Dawn - Part 1

Spenna

Elífðin er bara byrjunin

Fyrri hluti Twilight -myndarinnar Breaking Dawn varð ein allra stærsta mynd ársins 2011 í kvikmyndahúsum og á örugglega eftir að gera það gott á DVD sem kemur út þann 4. apríl.

Þau Bella og Edward ganga í hjónaband þrátt fyrir að ekki séu allir sáttir við þann ráðahag, þar á meðal Jacob, enda er hann sjálfur ástfanginn af Bellu.

Strax eftir brúðkaupið halda þau Bella og Edward til Brasilíu þar sem þau eyða sínum fyrstu brúðkaupsdögum í rómantísku andrúmslofti við eina af ströndum landsins. Nokkrum dögum síðar verður Bellu ljóst að hún er orðin ófrísk að barni þeirra Edwards.

Fréttirnar af hinu nýja barni leggjast hins vegar ekki jafnvel í alla. Foringjar vampíruhópsins telja að Bellu sé stórhætta búin fæði hún það, en úlfurinn Sam er sannfærður um að barnið eigi eftir að gera út af við úlfana fái það að koma í heiminn. Til að varna því ákveður Sam að Bella þurf að deyja, svo og allir sem tilheyra Cullen-hópnum ...

Útgáfudagur: 4. apríl

• Leikstjóri Breaking Dawn , Bill Condon, nýtur mikillar virðingar í kvikmyndaheiminum en hann gerði m.a. myndirnar Gods and Monsters (1998), Kinsey (2006) og Dreamgirls (2006) sem fengu allar margvísleg verðlaun. Þau Gus Van Sant, Sofa Coppola og Mark Waters komu einnig til greina sem leikstjórar áður en Bill var endanlega ráðinn til verksins.

• Myndin kostaði hátt í 150 milljónir dollara í framleiðslu enda var ekkert til sparað við tæknibrellurnar sem þykja ekkert minna en meistaraverk.

• Myndin var að mestu tekin upp í Baton Rouge, höfuðborg Louisiana-fylkis Bandaríkjanna.

• Tónlistarhöfundurinn Carter Burwell snýr hér aftur, en hann samdi einnig tónlistina við fyrstu Twilight -myndina, þar á meðal lagið

Bella’s Lullaby .

Veistu svarið?

Myndir um vampírur og varúlfa eru sannarlega ekki nýjar af nálinni og hafa sögurnar um þessar verur tekið á sig ýmsar myndir í gegnum árin. Ein frægasta vampíran sem sköpuð hefur verið var m.a. leikin af Tom Cruise í myndinni

Interview With the Vampire árið 1994. Hvað heitir hún?

The Twilight Saga: Breaking Dawn - Part 1

Aðalhlutverk: Taylor Lautner, Kristen Stewart, Robert Pattison, Anna Kendrick, Dakota Fanning og Michael Sheen Leikstjórn:

Bill Condon Útgefandi: Samflm

PUNKTAR ............................................