26 myndir mánaðarins

Ævintýri Tinna

Spenna/Ævintýri

Ævintýrin eru til að upplifa þau!

Það kannast sennilega festir við Tinna og vini hans, þá Kolbein kaptein, Vandráð vísindamann, Skapta og Skafta og hvuttann Tobba, sem nú láta ljós sitt skína í þessari stórgóðu mynd sem fengið hefur afbragðsdóma gagnrýnenda.

Það er sjálfur meistari Steven Spielberg sem leikstýrir myndinni og framleiðir hana í samvinnu við Peter Jackson sem gerði Lord of the Rings -myndirnar.

Við kynnumst hér hinum unga og ákafa blaðamanni Tinna sem gerir nánast hvað sem er fyrir góða frétt. Ákefð Tinna kemur honum oftar en ekki í ýmis vandræði og það stefnir svo sannarlega í slíkt þegar hann fer að grennslast fyrir um skipið goðsagnakennda, Einhyrninginn.

Tinni uppgötvar vísbendingar eins og honum einum er lagið og í framhaldinu kynnist hann hinum skrautlega og skapstóra Kolbeini kapteini. Í ljós kemur að forfaðir Kolbeins, Rögnvaldur rauði, var skipstjóri Einhyrningsins og fór niður með skipinu þegar því var sökkt á mjög dularfullan máta.

Ákveða þeir félagar að komast til botns í málinu, enda hermir sagan að fjársjóður einn mikill haf fylgt Einhyrningnum niður á hafsbotn. Vandamálið er að okkar menn eru ekki þeir einu sem leita auðæfanna.

Útgáfudagur: 22. mars

• Ævintýri Tinna er fyrsta teiknimyndin sem Steven Spielberg leikstýrir.

• Andy Serkis, sem lék Gollum í LOTR , fer með hlutverk Kolbeins í myndinni, en þegar hann fékk boð um að leika í Ævintýri Tinna

óttaðist hann að hlutverkið sem um ræddi væri Tobbi, hundur Tinna.

• Nú þegar er hafn framleiðsla á framhaldsmynd um Tinna þannig að aðdáendur geta strax farið að hlakka til.

Veistu svarið?

Sögurnar um Tinna hafa, eins og allir vita, verið þýddar og komið út á íslensku þar sem sögupersónurnar fengu íslensk nöfn. En hvað heitir Kolbeinn kapteinn á ensku?

Ævintýri Tinna

Aðalhlutverk: Jamie Bell, Andy Serkis, Daniel Craig, Nick Frost, Simon Pegg, Cary Elwes, Toby Jones, Daniel Mays og Mackenzie Crook. Leikstjórn: Steven Spielberg Útgefandi:

Sena

PUNKTAR ..............................................

Roger Ebert Boxoffce Magazine Empire

**** ***** ****