Lorax

Gaman

Allt í plasti

Lorax er byggð á samnefndri bók dr. Seuss sem skrifaði m.a. sögurnar um köttinn með höttinn og Þegar Trölli stal jólunum .

Myndin er gerð af sömu aðilum og gerðu hina frábæru mynd

Despicable Me sem er tvímælalaust ein af betri teiknimyndum síðari ára. Það má fastlega gera ráð fyrir að Lorax eigi eftir að slá hressilega í gegn.

Ted býr í bænum Thneedville þar sem nánast allt er gert úr plasti í öllum regnbogans litum og hvergi er að fnna stingandi strá. Ted er afar skotinn í hinni blíðlyndu Audrey og vill allt gera til að vinna hjarta hennar. Hann bíður því ekki boðanna þegar Audrey lætur í ljós þá ósk sína að fá að sjá og snerta alvörutré.

Vandamálið er að enginn má yfrgefa Thneedville og halda út í hina stóru veröld án leyfs frá yfrvaldinu. Og það leyf fær enginn. Ted ákveður samt að fara í skjóli nætur og taka afeiðingunum seinna.

Leit hans að trénu berst um víðan völl og hann bæði hittir og sér margt skrítið á ferð sinni, ekkert þó skrítnara en trjámanninn Once-ler sem gegn greiðslu er tilbúinn að segja honum söguna af því þegar öll tré og allur gróður hvarf af yfrborði jarðar.

Í gegnum hina stórmerkilegu sögu Once-ler uppgötvar Ted ekki bara af hverju öll trén hurfu heldur lærir hann líka allt um uppruna Thneedville og af hverju allt þar er gert úr plasti ...

Frumsýnd: 30. mars

• Í myndinni er upprunalegri sögu dr. Seuss fylgt eftir nema að því leyti að hinn dularfulli Once-ler, sem sást aldrei alveg í bókinni, er að fullu sýnilegur í myndinni þar sem hann er mennskur maður en ekki eitthvert furðudýr eins og gefð var til kynna í bókinni.

Veistu svarið?

Það er hinn smávaxni Danny DeVito sem talar fyrir titilpersónu myndarinnar, Lorax, verndara trjánna sem gat þó ekki stöðvað eyðingu þeirra. Segja má að Danny haf fyrst slegið í gegn í hlutverki geðsjúklingsins meinlausa, Martins, í frægri mynd sem fékk m.a. Óskarinn árið 1976 sem besta myndin. Hvað heitir hún?

Lorax

Aðalraddir: Zac Efron, Taylor Swift, Betty White, Ed Helms, Danny DeVito og Rob Riggle Leikstjórn: Chris Renaud Bíó:

Laugarásbíó, Smárabíó, Háskólabíó, Sambíóin Kringlunni, Sambíóin Kefavík og Borgarbíó Akureyri

PUNKTAR ............................................

46 myndir mánaðarins