Carnage

gaman

Gamanmynd um skort ámannasiðum

Stórskemmtileg mynd þar sem fjórir frábærir leikarar, þau Jodie Foster, Kate Winslet, John C. Reilly og Christoph Waltz, fara algjörlega á kostum í sögu um tvenn hjón sem missa „kúlið“ þegar þau hittast.

Þegar tveimur ungum skólafélögum lendir saman á skólalóðinni með þeim afeiðingum að annar lemur hinn með spýtu í andlitið ákveða foreldrar þeirra að hittast og „settla“ málin eins og kurteisu og siðuðu fólki sæmir.

Í fyrstu gengur allt vel og um stund lítur út fyrir að málalyktir verði viðsættanlegar fyrir báða aðila ... eða allt þar til ein ógætileg setning verður til þess að samræðurnar fara út af því kurteislega spori sem þær höfðu verið í.

Smám saman þyrlast upp moldviðri í samskiptum og orðaskaki hjónanna uns þau eru komin út í hörkurifrildi þar sem ásakanirnar ganga á báða bóga og feira kemur í ljós en lagt var upp með.

Þess ber að geta að þær Jodie Foster og Kate Winslet voru báðar tilnefndar til Golden Globe-verðlaunanna fyrir besta leik ársins í þessari mynd.

Frumsýnd: 30. mars

• Myndin er byggð á leikriti eftir Yasminu Reza sem hlaut Tony-verðlaunin árið 2009 sem besta frumsamda leikrit ársins. Yasmina skrifaði sjálf handrit myndarinnar ásamt Roman Polanski.

• Sá sem leikur Zachary Cowan, Elvis Polanski, er eins og nafnið bendir til sonur Romans Polanski og eiginkonu hans, Emmanuelle Seigner.

• Roman Polanski kemur sjálfur fram í myndinni í örhlutverki nágrannans sem opnar dyrnar til að sjá hvað er um að vera.

Veistu svarið?

Þrjú þeirra sem fara með aðalhlutverkin í Carnage , þau Jodie Foster, Kate Winslet og Christoph Waltz, hafa hlotið Óskarsverðlaun á meðan John C. Reilly hefur „aðeins“ hlotið tilnefningu til þeirra. Fyrir hvaða mynd hlaut hann þá tilnefningu?

Carnage

Aðalhlutverk: Jodie Foster, Kate Winslet, John C. Reilly, Christoph Waltz, Elvis Polanski og Eliot Berger Leikstjórn:

Roman Polanski Aldurstakmark: 10 ára Bíó: Háskólabíó

PUNKTAR ............................................

44 myndir mánaðarins