Wrath of the Titans

Ævintýri

Bardaginn er hafinn - aftur!

Annar hluti myndaseríunnar er framleidd með þrívíddar-tæknina í huga frá byrjun og inniheldur ævintýralegan hasar, spennu og sjónrænar brellur semmargfalda upplifun áhorfenda.

Wrath of the Titans gerist um tíu árum eftir atburði fyrri myndarinnar. Perseus, hinn mannlegi sonur Seifs sem sigraði hinn illa Kraken, hefur reynt sitt besta til að draga sig í hlé og lifr nú rólegu líf í litlu sjávarþorpi þar sem hann stundar fskveiðar og elur upp 10 ára gamlan son sinn.

Á meðan hefur ólgan á milli guðanna og risanna farið vaxandi á ný og Krónos, foringi risanna og faðir þeirra Seifs, Hadesar og Póseidons, látið til sín taka eftir að hafa haldið sig í myrkum undirdjúpum Tartarus síðan synir hans steyptu honum úr hásætinu.

Þegar Hades ásamt mannlegum syni Seifs, Ares, ákveða að snúa bökum saman, svíkja Seif og vinna að því að koma honum í ánauð hjá Krónosi, getur Perseus ekki lengur setið hjá afskiptalaus. En kraftur Seifs fer óðum þverrandi og svo fer að Krónos nær honum á sitt vald.

Perseus leitar þá til hins fallna guðs Hephaestusar, sonar Póseidons, Argenors, og stríðsdrottningarinnar Andrómedu, um hjálp til að fara niður til Tartarus, bjarga föður sínum úr klóm Krónosar og freista þess að binda enda á djöfullegt ráðabrugg hans og þeirra sem fylgja honum að málum ...

Frumsýnd: 30. mars

• Wrath of the Titans verður frumsýnd á svipuðum tíma um allan heim og má búast við að vinældir hennar verði enn meiri en fyrstu myndarinnar, Clash of the Titans , sem kostaði 125 milljónir dollara í framleiðslu en halaði síðan inn tæplega 500 milljónir dollara í kvikmyndahúsum á heimsvísu.

Wrath of the Titans

Aðalhlutverk: Liam Neeson, Sam Worthington, Ralph Fiennes, Rosamund Pike, Bill Nighy og Toby Kebbel Leikstjórn:

Jonathan Liebesman Bíó: Sambíóin Álfabakka, Egilshöll, Kringlunni, Akureyri og Kefavík

PUNKTAR ............................................

Veistu svarið?

Gríska goðafræðin inniheldur sagnir af mörgum guðum, gyðjum, risum, hetjum og skepnum sem ekki má rugla við hinna rómversku kollega þeirra. Hvað heitir gríska ástargyðjan?

42 myndir mánaðarins