The Hunger Games

SPENNA/ÆVINTýRI

Heimurinn er að horfa

Spennandi og afar vel gerð ævintýramynd sem gerist í framtíðinni og fjallar um unga stúlku sem leggur líf sitt í sölurnar til að bjarga systur sinni frá bráðum bana.

Það eru þau Jennifer Lawrence, Josh Hutcherson, Elizabeth Banks, Woody Harrelson, Liam Hemsworth, Stanley Tucci og Donald Sutherland sem fara með helstu hlutverkin í The Hunger Games , en hún er byggð á samnefndri bók Suzanne Collins, þeirri fyrstu í röð þriggja skáldsagna með svipuðu sögusviði.

Við erum stödd í framtíðinni þegar heimsmyndin hefur tekið algjörum stakkaskiptum. Í stað Bandaríkjanna er komið landið Pandem, en það skiptist í 12 ríki sem lúta öll stjórn þess 13., en það kallast einfaldlega Höfuðborgin.

Árlega eru haldnir svokallaðir Hungurleikar, en í þeim taka þátt unglingar á aldrinum 12 til 18 ára sem eru valdir af handahóf, tveir frá hverju ríki. Þessum unglingum er síðan ætlað að keppa sín á milli um eigið líf í beinni sjónvarpsútsendingu uns aðeins einn keppandi stendur eftir.

Katriss Everdeen er 16 ára gömul stúlka sem verður skelfngu lostin þegar systir hennar, 12 ára, er valin sem fulltrúi síns ríkis. Katriss veit að systir hennar á enga möguleika á að sleppa lifandi frá keppninni og því ákveður hún að bjóða sjálfa sig fram til að berjast í stað hennar.

Frumsýnd: 23. mars

• Þetta er þriðja myndin sem Gary Ross leikstýrir en fyrri myndirnar eru Pleasantville og Seabiscuit . Hann skrifaði einnig handrit þessara mynda svo og handritið að myndinni

Big með Tom Hanks í aðalhlutverki. Þess ber að geta að Gary hefur verið tilnefndur til fernra Óskarsverðlauna fyrir myndir sínar og handrit.

Veistu svarið?

Eins og fram kemur í punktunum hér til hægri gerði Gary Ross einnig myndina Pleasantville en hún var tilnefnd til þrennra Óskarsverðlauna árið 1999. Pleasantville vakti líka mikla athygli fyrir það hvernig litir voru notaðir í henni. Hvað var sérstakt við það?

The Hunger Games

Aðalhlutverk: Jennifer Lawrence, Josh Hutcherson, Elizabeth Banks, Woody Harrelson, Liam Hemsworth og Stanley Tucci

Leikstjórn: Gary Ross Bíó: Laugarásbíó, Smárabíó, Háskólabíó og Borgarbíó, Akureyri

PUNKTAR ............................................

36 myndir mánaðarins