18 myndir mánaðarins

The Change-Up

gaman

Hver segir að menn geti ekki breyst?

The Change-Up er ærslafull gamanmynd um tvo félaga, annan harðkvæntan, hinn lausan og verulega liðugan, sem kvöld eitt skiptast á líkömum fyrir einhvers konar galdra!

Það eru þeir Ryan Reynolds og Jason Bateman sem fara með hlutverk félaganna Mitch og Dave sem fullyrða má að séu hvor í sínum sporunum í lífnu.

Mitch er kvæntur og á tvö börn með eiginkonu sinni á meðan Dave hefur forðast allar skuldbindingar eins og heitan eldinn og vill frekar vera laus og liðugur. Hvor um sig telur hinn hins vegar vera í betri sporum en sjálfan sig og öfunda hvor annan af hlutskiptinu ... að minnsta kosti segjast þeir gera það.

Kvöld eitt þegar þeir félagar eru búnir að fá sér dálítið neðan í því og eru á leiðinni heim til sín aftur koma þeir að gosbrunni nokkrum og ákveða að létta á sér í hann. Um leið og þeir gera það missa þeir út úr sér þá einlægu ósk að þeir gætu verið hinn ... og gleyma því um leið að maður á alltaf að passa sig á því sem maður óskar sér því óskirnar geta ræst.

Og það verður nákvæmlega raunin því næsta morgun vakna þeir í líkömum hvor annars ...

Útgáfudagur: 16. febrúar

• Leikstjóri myndarinnar, Dave Dobkin, gerði einnig gamanmyndina

The Wedding Chrashers en handritið er eftir Scott Moore og Jon Lucas, þá sömu og skrifuðu m.a. Hangover -myndirnar vinsælu.

• Í einu af byrjunaratriðum myndarinnar sést Mitch, sem Ryan Reynolds leikur, sveifa samúræjasverði af kunnáttu. Þessa leikni öðlaðist Ryan þegar hann þurfti á henni að halda fyrir hlutverk sitt í myndinni X-Men Origins: Wolverine .

Veistu svarið?

Leikkonan Leslie Mann sem leikur eiginkonu Mitch í The Change-Up er gift leikstjóranum Judd Apatov, en sá á að baki nokkrar gamanmyndir sem náð hafa miklum vinsældum á síðustu árum. Geturðu nefnt eina þeirra?

The Change-Up

Aðalhlutverk: Jason Bateman, Ryan Reynolds, Leslie Mann, Alan Arkin, Olivia Wilde og Mircea Monroe Leikstjórn: David Dobkin Útgefandi: Myndform

PUNKTAR ..............................................