14 myndir mánaðarins 14 myndir mánaðarins 14 myndir mánaðarins

The Thing

spenna

Það gæti verið hver sem er, hvar sem er

Ógnin gæti verið hver sem er og þú getur engum treyst í The Thing , undanfara sögunnar í samnefndu meistaraverki Johns Carpenter, sem hann gerði árið 1982.

Þegar ókennilegt farartæki brotlendir á Suðurheimskautssvæðinu slæst steingervingafræðingurinn Kate Lloyd í för með norskum vísindamönnum sem ætla sér að komast til botns í málinu.

Inni í geimskipinu fnna þau lífveru sem virðist hafa drepist við brotlendinguna og þegar mikill snjóbylur skellur á ákveða þau að færa hræið í skjól og rannsaka það til hlítar.

En þá vaknar það upp frá dauðum. Og það skelflega við veruna er að hún getur breytt útliti sínu að vild og tekið á sig form þess sem hún kemst í snertingu við. Það er því óhætt að segja að óttinn grípi vísindamennina sem nú allt í einu geta engum treyst lengur því enginn veit hvernig ófreskjan lítur út.

Og það er hægara sagt en gert að eltast við ófreskjur þegar hættan leynist við hvert horn og maður getur ekki einu sinni treyst þeim sem stendur manni við hlið ...

Útgáfudagur: 9. Febrúar

• Í dag er upprunalega The Thing , úr smiðju hryllingsmeistarans Johns Carpenter, tíður gestur á listum yfr bestu hrollvekjur kvikmyndasögunnar. En þegar myndin kom fyrst út fékk hún vægast sagt slæmar viðtökur og rýra dóma gagnrýnenda. Ófáir þeirra hafa þurft að éta þau orð ofan í sig um leið og þeir hafa skipt um skoðun.

• Framleiðendur nýju myndarinnar sannfærðu Universal Pictures um að gera myndina að undanfara í stað endurgerðar eða framhalds. Þeir töldu hina upprunalegu The Thing vera fullkomna og að endurgera hana væri líkt og að ætla að mála frummyndina af Monu Lisu aftur.

Veistu svarið?

Eins og festir vita þá var það John Carpenter sem leikstýrði

The Thing árið 1982 og var þá að margra mati, og í ljósi sögunnar, talsvert á undan sinni samtíð sem kvikmynda-gerðarmaður. Sýndu nú hvað þú veist og nefndu fjórar aðrar myndir eftir John Carpenter.

The Thing

Aðalhlutverk: Mary Elizabeth Winstead, Joel Edgerton, Ulrich Thomsen, Eric Christian Olsen, Adewale Akinnuoye-Agbaje og Paul Braunstein Leikstjórn: Matthijs van Heijningen Jr.

Útgefandi: Myndform PUNKTAR ..............................................