7 myndir mánaðarins

Stjörnuspá mánaðarins

Þú færð sama DVD-diskinn frá öllum í jólagjöf og kemst svo að því að þeir voru keyptir á stóra útsölumarkaðnum svo þeim er hvorki hægt að skila né skipta. Róaðu þig og mundu að það er hugurinn sem skiptir máli, ekki gjöfn sjálf.

Vatnsberinn 20. jan - 18. feb

Sendu öllum sem þú þekkir langan lista yfr gjafr sem þú óskar eftir að fá frá þeim í jólagjöf. Hafðu enga þeirra ódýrari en tíu þúsund kall. Gefðu þeim til baka gulan hreinsikubb og mundu eftir að setja slaufu og krullubönd á pakkana.

Tvíburarnir 21. maí - 21. júní

Þú skiptir loksins um skoðanir og sérð þá að lífð er yndislegt og að björt framtíð þín er lögð gulli og grænum skógum með tilheyrandi velgengni og hamingjutilfnningu. Brettu upp ermarnar og farðu í blóðprufu. Það er eitthvað að þér.

Vogin 23. sept - 23. okt

Þú færð frábæra hugmynd en gleymir henni strax aftur. Þú færð símtal frá frægum einstaklingi sem gæti gjörbreytt líf þínu til hins betra en það er skakkt númer. Haltu þig sem allra mest heima við og lestu Fávitann eftir Dostojevskí.

Sporðdrekinn 24. okt - 21. nóv

Desember verður dásamlega gefandi mánuður fyrir steingeitur. Þær fnna hvernig sköpunargáfan umlykur þær og hvernig orkan hríslast um líkamann og gefur þeim kraft til að gera nánast hvað sem er. Verst að þú skulir vera bogamaður.

Bogamaðurinn 22. nóv - 21. des

Ástin liggur í loftinu. Horfðu því upp en ekki fram og alls ekki niður. Vertu með hjálm. Kauptu þér kíló af konfekti og gáðu hvað gerist ef þú borðar það allt á einu kvöldi. Settu nýtt batterí í vasaljósið. Ekki fara með bíl í skoðun. Gleðileg jól.

Steingeitin 22. des - 19. jan

Stjörnurnar sýna að það hvílir einhver drungi yfr þér í byrjun mánaðarins, sennilega vegna þess að ein peran í herberginu þínu er sprungin. Reyndu að fnna þitt eigið innra sjálf, það hlýtur að vera þarna einhvers staðar. Farðu í greiðslumat.

Krabbinn 22. júní - 22. júlí

Desember verður því miður mjög viðburðasnauður fyrir þá sem eru fæddir í ljónsmerkinu. Það gerist nákvæmlega ekkert í mánuðinum hjá þeim. Ekkert, ekkert, ekkert, ekkert, ekkert, ekkert, ekkert, ekkert, ekkert, ekkert, ekkert, ekkert, ekkert.

Ljónið 23. júlí - 22. ágúst

Þú færð þér ný göt í beltin en það dugar ekki til. Þú færð bæði launahækkun og jólabónus en það dugar ekki heldur til. Slepptu brúnuðu kartöfunum og hvítlauksbrauðinu. Gefðu einhverjum hvíta pottaleppa í jólagjöf. Haltu þig á mottunni.

Meyjan 23. ágúst - 22. sep

Aftur missir þú þig í jólaæsingnum og kaupir sett af jólakúlum þótt þú eigir tvö óupptekin 12 kúlu sett frá því í fyrra, þetta rauða og þetta blágræna með holunni. Kauptu nóg af jólapappír, samt ekki þennan þunna sem rifnar alltaf á hornunum.

Fiskarnir 19. feb - 20. mars

Þú ferð á alveg glatað jólahlaðborð. Hangiketið verður samt ágætt. Mundu að reykt svínakjöt er salt kjöt þótt það sé ekki saltkjöt. Notaðu fríið og tækifærið yfr hátíðirnar og lærðu að herma eftir lóunni. Það kemur sér vel næsta sumar, sannaðu til.

Hrúturinn 21. mars - 19. apríl

Ekki strengja nein áramótaheit því þú verður hvort eð er búin(n) að svíkja þau upp úr klukkan þrjú á nýársnótt. Það er óþarf að byrja nýja árið á því að brjóta sig niður. Mundu að jólasveinarnir eru ekki til í alvöru, þetta eru bara menn í grímubúningum.

Nautið 20. apríl - 20. maí

Getraunaleikur fyrir alla í fjölskyldunni

Því miður var enginn lesandi Mynda mánaðarins með í pottinum þegar dregið var um vinningshafa í hinum geysivinsæla getraunaleik Veistu svarið? sem hóf göngu sína í nóvemberblaði Mynda mánaðarins, enda sendi engin inn nein svör. Því renna vinningarnir óskiptir til ritstjórans.

Vegna fjölda áskorana höfum við hins vegar ákveðið að endurtaka leikinn í þessu blaði og samið fleiri stór-skemmtilegar spurningar, tengdar kvikmyndum, sem finna má í kynningum á myndum mánaðarins, bæði bíómegin og DVD-megin í blaðinu.

Vinningar verða sem fyrr ekki af verri endanum:

1. Lúxussnekkja með öllu, þ.m.t. sundlaug, kvikmyndahúsi, veitingastað, starfsfólki og mörgu öðru. Sjóstangasett fylgir með, sem og blóm og gjafavörur í úrvali.

2. Fimm Harley Davidson mótorhjól af fottustu gerð fyrir alla í fjölskyldunni. 5 ára bensínkort með ótakmarkaðri úttekt á eldsneyti frá bensínstöð Villa í Hveragerði fylgir með.

3. Hálfur poki af harðfsksmylsnu frá harðfsksgerð Stefáns og Óla.

Takið endilega þátt í þessum stórskemmtilega getraunaleik og sendið inn rétt svör áður en dregið verður um vinningshafa. Góða skemmtun!

Reglur og skilyrði: Rétt til þátttöku eiga allir sem eru orðnir 18 ára og eiga rautt strætókort. Til að komast í pottinn verða svörin að vera handskrifuð afturábak á ljósbleikan 90 gramma pappír og skal vatnsmerkið snúa inn. Öllum svörum verður að fylgja mynd af þátttakanda og má hver einstaklingur einungis senda inn eitt sett af svörum. Fyrir utan að vera rétt mega svörin hvorki innihalda stafsetningar- né málfarsvillur. Svindl, þar með talið uppfetting á Netinu, ógildir þátttöku. Komi upp ágreiningur í þessum efnum er ritstjóri þessa blaðs einskorað dómaravald og mun úrskurða um málið eins fjótt og auðið er eða eftir því sem við verður komið hverju sinni. Verði enginn þeirra sem skilar inn svörum með þau rétt og/eða uppfyllir ekki skilyrði og/eða þátttökureglur renna vinningarnir óskiptir til ritstjórans. Að öðru leyti gilda almennar reglur um getraunarleiki af þessu tagi.

Veistu svarið?