38 myndir mánaðarins

Our Idiot Brother

gaman

Er einn svona í þinni fjölskyldu?

Paul Rudd er einn af skemmtilegustu leikurum samtímans, en hann vakti fyrst verulega athygli árið 1995 í myndinni Clueless

og hefur síðan þá leikið í mörgum vinsælum myndum, þar á meðal í Knocked Up, Role Models og Dinner For Schmucks svo einhverjar séu nefndar.

Í þessari bráðskemmtilegu gamanmynd, Our Idiot Brother , leikur Paul hugsjónamanninn Ned sem er gæddur þeirri undarlegu „gáfu“ að geta komið sér í vandræði hvenær sem er, bara með því að segja satt og vera kurteis.

Þannig endar hann í fangelsi þegar hann af einskærum drengskap reddar einkennisklæddum lögreglumanni dálitlu grasi. Í framhaldinu missir hann vinnuna, heimilið, kærustuna og forræðið yfir hund-inum sínum, Willie Nelson.

Ýmsir myndu láta bugast af svona mótlæti en ekki Ned sem sér alltaf björtu hliðarnar á málunum. Þess utan á hann góða að, móður og þrjár systur, sem koma honum til hjálpar eftir fangelsisvistina með því að leyfa honum að gista á meðan hann er að koma fótunum undir sig á nýjan leik.

Vandamálið er að Ned er ekki bara lunkinn við að koma sjálfum sér í vandræði, hann er einnig einkar laginn við að koma öllum sem umgangast hann í vægast sagt óþægilega stöðu ...

• Our Idiot Brother var sýnd á Sundance-kvikmyndahátíðinni síðastliðinn vetur þar sem hún var keypt til alþjóðlegrar dreifngar af þeim Weinstein-bræðrum, Bob og Harvey, sem stofnuðu Miramax á sínum tíma.

• Leikstjóri myndarinnar, Jesse Peretz, og annar handrits-höfundurinn, Evgenia Peretz, eru systkini og sögðu frá því að myndin hefði verið skrifuð sérstaklega með Paul Rudd í huga. Nokkur fyndnustu atriði myndarinnar voru reyndar ekki í handritinu heldur hreinn spuni hjá Paul sem fékk frjálsar hendur með túlkun sína á hinum ofurheiðarlega Ned.

Veistu svarið?

Our Idiot Brother er ekki fyrsta myndin sem þau Paul Rudd og Elizabeth Banks leika í hvort á móti öðru. Geturðu nefnt tvær aðrar myndir?

Aðalhlutverk: Paul Rudd, Elizabeth Banks, Zooey Deschanel, Emily Mortimer, Steve Coogan og Hugh Dancy Leikstjórn: Jesse Peretz

Öllum leyfð Útgefandi: Myndform PUNKTAR ........................................................

Útgáfudagur: 15. desember

15. desember

Roger Ebert Empire

*** ****