34 myndir mánaðarins

Cowboys & Aliens

Spenna

Þegar villta vestrið varð enn villtara

Það eru þau Daniel Craig, Harrison Ford, Olivia Wilde og Sam Rockwell sem fara með aðalhlutverkin í þessari þrælskemmti-legu mynd um innrás geimvera í villta vestrið árið 1873.

Daniel Craig leikur mann einn, Jake að nafni, sem rankar við sér í eyðimörk í Arizona og man ekkert úr fortíð sinni. Því síður hefur hann hugmynd um út af hverju hann ber nú á úlnliðnum sérkennilegt „armband“ sem þó er ekki líkt neinu öðru armbandi.

Jake gengur af stað og kemur að lokum í bæ sem kallast Absolution. Það tekur hann ekki langan tíma að átta sig á því að íbúarnir þar vilja ekkert með hann hafa og fyrr en varir er hann lentur upp á kant við lögreglustjórann, Taggart (Keith Carradine), sem handtekur hann og stingur í steininn.

En hremmingar Jakes eru rétt að byrja því í ljós kemur að hann er eftirlýstur flóttamaður sem nautgripabóndi einn á svæðinu, Woodrow Dolarhyde, telur sig eiga mikið sökótt við. Það lítur út fyrir að dagar Jakes séu taldir en þá gerist nokkuð óvænt ...

• Þeir Buck Taylor, Matthew Taylor og Cooper Taylor sem leika Claiborne-feðgana eru feðgar í raun.

• Harrison Ford vildi fá að vera hattlaus í myndinni því hann var hræddur um að áhorfendur myndu annars rugla persónu hans saman við Indiana Jones sem var alltaf með hatt. Leikstjórinn sannfærði hann hins vegar um að hann yrði að vera með hattinn með þeim rökum að þetta væri nú einu sinni vestri.

• Fötin sem Ella (Olivia Wilde) klæðist í myndinni voru upp-runalega hönnuð fyrir Mattie Ross í myndinni True Grit . Þegar til átti að taka þóttu þau hins vegar of kvenleg fyrir Mattie þannig að í staðinn komu þau að góðum notum fyrir Ellu.

• Cowboys & Aliens er sjötta mynd Jons Favreau sem leikstjóra en hann gerði m.a. myndirnar Elf, Iron Man og

Iron Man 2.

Veistu svarið?

Þetta er í annað sinn sem Harrison Ford leikur á móti leikara (Daniel Craig) sem hefur leikið James Bond. Hver er hinn leikarinn og í hvaða mynd léku þeir Harrison Ford saman?

Aðalhlutverk: Daniel Craig, Harrison Ford, Olivia Wilde, Sam Rockwell, Abigail Spencer og Buck Taylor Leikstjórn Jon Favreau

Aldurstakmark: 12 ára Útgefandi: Samflm

PUNKTAR ........................................................

Útgáfudagur: 15. desember

15. desember

Roger Ebert Empire

*** ****