32 myndir mánaðarins

Kung Fu Panda: Kaboomof Doom

gaman

Hann fríkar ... inn

Kung Fu Panda var góð ... en Kung Fu Panda: Kaboom of Doom er enn betri og sennilega ein albesta teiknaða mynd kvikmyndasögunnar, fyndin, spennandi, hlý og viðburðarík.

Þótt myndin sé auðvitað teiknimynd þá höfðar hún ekkert síður til fullorðinna en þeirra sem yngri eru. Kung Fu Panda: Kaboom of Doom hefur fengið frábæra dóma gagnrýnenda og stendur algjörlega sjálfstæð sem metnaðarfullt kvikmyndaverk.

Pandan Pó og hinir fimm fræknu félagar hans búa í Kína þar sem þau vinna að eigin hugðarefnum og sjálfstyrkingu á milli þess sem þau skemmta sér á hinn margvíslegasta hátt.

En þá kemur fram ný ógn. Vondi páfuglinn Chen og ótrúlega illa þenkjandi aðstoðarpúkar hans hafa fundið upp vopn sem hvorki meira né minna getur eytt öllu Kung Fu úr landinu. Með þessu vopni getur Chen sem sagt brotið niður alla hugsanlega mótspyrnu gegn sínum illu áformum og orðið ríkjandi vald yfir öllu Kína.

Við þetta geta Pó og félagar hans að sjálfsögðu ekki sætt sig og þótt við ofurefli sé að etja eiga þeir engan annan kost en að bjóða Chen birginn ...

• Kung Fu Panda 2 er orðin tekjuhæsta mynd sögunnar sem leikstýrt hefur verið af konu.

• Takið eftir Jean Claude Van Damme sem talar fyrir Master Croc og kemur fram seint í myndinni.

• Að sögn leikstýrunnar Jennifer Nelson er Chen, vondi páfuglinn í myndinni, eitt alerfðasta teiknimyndarverkefni sem lagt hefur verið í. Hún sagði að vinnan sem haf farið í að skapa Chen og teikna hann samsvari vinnu við að teikna sex „venjulega“ karaktera. Þess má geta að Chen var í raun skapaður fyrir fyrri myndina en ekki notaður í henni þar sem ákveðið var að gera hann að einni aðalpersónunni í þessari.

Veistu svarið?

Jack Black, sem talar fyrir pönduna Pó og fer snilldarlega með hlutverkið, ber millinafn sem er sjaldan notað. Hvað heitir Jack Black fullu nafni?

Aðalhlutverk: Jack Black, Angelina Jolie, Dustin Hoffman, Gary Oldman, Jackie Chan og Seth Rogen Leikstjórn: Jennifer Nelson Öllum leyfð Útgefandi: Samflm

PUNKTAR ........................................................

Útgáfudagur: 15. desember

15. desember

Roger Ebert Boxoffce Magazine Empire

**** **** ****