26 myndir mánaðarins

The Devil’s Double

spenna

Hann átti enga leið út nema dauðann

The Devil’s Double er hörkugóð spennumynd, byggð á samnefndri bók Írakans Latifs Yahia sem tók að sér að vera tvífari Udays Hussein, sonar Saddams Hussein, og lifði af a.m.k. 12 banatilræði.

Það er Dominic Cooper sem fer með hlutverk Latifs Yahia og leikur auðvitað um leið hinn spillta og gráðuga Uday af slíkri snilld að eftir hefur verið tekið. Vilja margir meina að hann eigi skilið að fá Óskarsverðlaunatilnefningu fyrir leik sinn.

Uday var eldri sonur Saddams Hussein, fæddur árið 1964, og var þegar á táningsaldri orðinn alræmdur fyrir hrottaskap og misbeitingu á stöðu sinni. Hann kynntist Latif á mennta-skólaárunum, en Latif hafði þá þegar vakið athygli margra fyrir að vera sláandi líkur þessum þekkta syni harðstjórans.

Þegar Írakar fóru í stríð við Írani árið 1980 var Latif gerður að herforingja í fremstu víglínu. Það stóð hins vegar ekki lengi því Uday, sem var orðinn hræddur um eigið líf, enda óvinamargur, krafðist þess að Latif yrði kallaður til Bagdad til að vera tvífari hans á opinberum vettvangi.

Latif hafði um ekkert að velja og þótt hann hataði Uday eins og flestir Írakar varð hann að taka að sér starfið því hans eigin fjölskyldu var ekki óhætt að öðrum kosti ...

• Dominic Cooper þykir fara á algjörum kostum í aðalhlutverkunum tveimur, sérstaklega í túlkun sinni á Uday. Einn gagnrýnandinn orðaði það svo að honum tækist að láta Tony Montana sem Al Pacino lék svo eftirminnilega í

Scarface líta út eins og pelabarn við hliðina á Uday.

• The Devil’s Double er áttunda mynd nýsjálenska leik-stjórans Lee Tamahori sem sló svo eftirminnilega í gegn með sinni fyrstu mynd, Once Were Warriors , árið 1994. Síðan þá hefur hann m.a. gert myndirnar Mullholland Falls, The Edge, xXx og James Bond-myndina Die Another Day.

Veistu svarið?

Þótt nafn Dominics Cooper sé ekki enn á meðal þeirra þekktustu í heimi hefur hann leikið í mörgum góðum myndum, þar á meðal mynd sem var tilnefnd til Óskarsverðlauna í fyrra (2010) sem besta mynd ársins og skartaði þeim Peter Sarsgaard og Carey Mulligan í aðalhlutverkum. Hvaða mynd er þetta?

Aðalhlutverk: Dominic Cooper, Ludivine Sagnier, Raad Rawi, Mem Ferda, Dar Salim og Khalid Laith Leikstjórn: Lee Tamahori

Aldurstakmark: 16 ára Útgefandi: Myndform

PUNKTAR ............................................................

Útgáfudagur: 8. desember

8. desember

Roger Ebert Boxoffce Magazine Empire

*** **** ***