24 myndir mánaðarins

Green Lantern

ævintýri

Það eina sem sigrar myrkrið er ljósið

Ævintýra- og ofurhetjuaðdáendur fá hér veislu fyrir augu og eyru í mynd þar sem hið góða og hið illa takast á sem aldrei fyrr og öllum brögðum til að sigra er beitt.

Hal Jordan er ungur reynsluflugmaður sem uppgötvar dag einn að hann hefur verið valinn til að verða einn þeirra sem fylgja „Græna lampanum“, en þann félagsskap fylla geimverur frá öllum afkimum alheims.

Markmið geimveranna sem eru í Græna lampanum er að berjast á móti öllu því illa sem finna má í alheiminum og lokatakmarkið er að koma á alheimsfriði svo allir geti lifað saman í sátt og samlyndi.

En þetta er hægara sagt en gert. Nú hefur ný tegund af hinu illa hafið árás á jörðina og eftir fund í félagsskap Græna lampans er ákveðið að í þetta sinn þurfi að finna mannlega veru til að takast á við óvættina.

Í fyrstu er Hal efins um að hann geti valdið hlutverkinu en þegar hann uppgötvar ofurmáttinn sem hann öðlast í leiðinni ákveður hann að slá til og láta reyna á hvort hann sé í raun verðugur þess að berjast fyrir mannkynið og framtíð jarðar.

• Sagan í myndinni byggir á tveimur bókum úr Green

Lantern -seríunni en þær heita Emerald Dawn og Secret Origin . Fyrir þá sem ekki vita þá er Hal Jordan einn af sex mannlegum verum sem hefur verið gefnn kraftur græna lampans. Hver veit nema gerðar verði myndir um hinar hetjurnar fmm?

• Blake Lively ákvað að framkvæma sjálf mörg af þeim áhættuatriðum sem persóna hennar kemur fram í. Til að koma sér í form fór hún m.a. í þjálfun hjá Cirque du Soleil-fjöllistafokknum. Hún sagði síðar að þessi þjálfun hefði verið stórkostlegasta líkamsrækt sem hún hefði stundað.

• Af öllum þeim fjölda sem sóttist eftir aðalhlutverkinu í þessari mynd má nefna Justin Timberlake, Chris Pine, Brian Austin Green, Bradley Cooper, Jared Leto og svo auðvitað Ryan Reynolds.

Veistu svarið?

Ryan Reynolds kvæntist í september 2008 en hjónabandinu lauk í júlí 2011. Hver var eiginkonan?

Aðalhlutverk: Ryan Reynolds, Blake Lively, Peter Sarsgaard, Tim Robbins, Mark Strong og Jay O. Sanders Leikstjórn: Martin Campell

Aldurstakmark: 12 ára Útgefandi: Samflm

PUNKTAR ........................................................

Útgáfudagur: 8. desember

8. desember