16 myndir mánaðarins

Algjör Sveppi og töfraskápurinn

ævintýri

Hvert er leyndarmál

töfraskápsins?

Algjör Sveppi og töfraskápurinn er þriðja myndin um Sveppa og félaga hans Villa og Góa, en tvær fyrstu myndirnar, Leitin að Villa og Dularfulla hótelherbergið , nutu mikilla vinsælda enda bæði léttar og skemmtilegar og við allra hæfi.

Vafalaust á nýja myndin einnig eftir að slá í gegn á leigum landsins enda lenda þeir félagar nú í því svakalegasta ævintýri sem hægt er að hugsa sér að hægt sé að lenda í.

Flestir vita að í herberginu hans Sveppa er töfrum gæddur skápur þótt fáir viti í hverju töfrarnir felast.

Dag einn lokast Ilmur, vinkona Sveppa, inni í skápnum og kemst ekki út. Nú er illt í efni og versnar til muna þegar í ljós kemur að illmenni í útlöndum ásælist skápinn og lætur ræna honum.

Þar með hefst æsilegur eltingarleikur og ævintýri þar sem þeir Sveppi, Villi og Gói þurfa að elta bófana, svindla sér inn á Þjóðminjasafnið, hjóla um á þotuhjólum og læra að stjórna fljúgandi húsgögnum svo eitthvað sé nefnt.

Leikurinn berst síðan um víðan völl, út á sjó, upp í loft og meira að segja upp á jökul. Útsjónarsemi félaganna er sem fyrr með ólíkindum og þótt hætturnar leynist við hvert fótmál fer svo að lokum að sagan fær farsælan endi því allt er gott sem endar vel ...

• Handrit myndarinnar er skrifað af leikstjóranum Braga Hinrikssyni og Sveppa sjálfum en þeir segjast hafa sótt innblásturinn að mörgum atriðunum í uppáhalds-ævintýramyndir sínar, s.s. Indiana Jones -myndirnar,

Ghostbusters og Lord of the Rings.

• Þótt myndin sé auðvitað barnamynd að grunni til má fnna í henni ýmsar skírskotanir sem hinir fullorðnu munu einir skilja.

• Eitt af atriðum myndarinnar var tekið upp í Hörpu en þangað mættu um 1.100 manns til að taka þátt í því. Það munu því fjölmargir sjá sjálfa sig eða einhvern sem þeir þekkja í myndinni.

Veistu svarið?

Töfraskápurinn sem allt snýst um í myndinni var smíðaður úr viði sem var upprunalega notaður í töfraskipi. En hver var það sem smíðaði töfraskápinn?

Aðalhlutverk: Sverrir Þór Sverrisson, Vilhelm Anton Jónsson, Guðjón Davíð Karlsson, Ilmur Kristjánsdóttir, Hallur Ingólfsson, Ragnhildur Gísladóttir og Laddi Leikstjórn: Bragi Þór Hinriksson Öllum leyfð Útgefandi: Samflm

PUNKTAR ........................................................

Útgáfudagur: 2. desember

2. desember