Page 32 - DVD_november

Vinirnir Jamie og Dylan eru bæði nýkomin úr sambandi og til að fylla upp í tilveruna ákveða þau að hefja kynlífssamband sem má samt ekki þróast neitt út fyrir vináttuna. En er það hægt?

Þetta er spurningin sem glímt er við í þessari þrælgóðu og afar skemmtilegu gamanmynd sem fengið hefur góða dóma og naut mikilla vinsælda í kvikmyndahúsum fyrr á árinu.

Það eru þau Justin Timberlake og Mila Kunis sem leika þau Dylan og Jamie og má vart á milli sjá hvort þeirra skemmtir sér betur, enda er handrit myndarinnar frábærlega vel skrifað og tekur afar skemmtilega á því gamalkunna “vandamáli”, hvort vinir geti stundað kynlíf hvort með öðru án þess að frekari ástartilfinningar þróist um leið.

• Friends With Benefts er þriðja mynd leikstjórans Wills Gluck, en hann sendi síðast frá sér hina stórskemmtilegu

Easy A þar sem Emma Stone fór á kostum í aðalhlutverkinu og fékk tilnefningu til Golden Globe-verðlaunanna fyrir vikið. Emma kemur einnig fram í Friends With Benefts í litlu hlutverki í upphaf myndarinnar.

• Það eru tvö og hálft ár á milli þeirra Justins Timberlake og Milu Kunis. Hann er fæddur þann 31. janúar árið 1981, en Mila er fædd 14. ágúst, árið 1983. Þess má geta að Mila Kunis heitir í raun Milena Markovna Kunis, en hún er frá Úkraínu.

• Woody Harrelson, sem leikur vin Justins Timberlake í

Friends With Benefts , mun á næstunni leika í myndinni

Turkeys , en hún fjallar um tvo kalkúna sem ferðast aftur í tímann til fyrsta þakkagjörðardagsins til að freista þess að bjarga komandi kalkúnakynslóðum frá því að verða aðalsteikin á þessum degi upp frá því. Með hlutverk hins kalkúnans fer Owen Wilson.

Á þessu ári hafa verið frumsýndar þrjár myndir þar sem Justin Timberlake leikur eitt af aðalhlutverkunum. Ein þeirra er auðvitað sú sem hér er til umfjöllunar, Friends With Benefts , en hverjar eru hinar tvær?

Aðalhlutverk: Justin Timberlake, Mila Kunis, Patricia Clarkson, Jenna Elfman, Woody Harrelson og Bryan Greenberg Leikstjórn: Will Gluck

Lengd: 109 mínútur Aldurstakmark: 16 ára

PUNKTAR ........................................................

Roger Ebert Boxoffce Magazine Empire