12 myndir mánaðarins

Zookeeper

Gaman

Nú er komið að þeim

að gæta hans!

Það er leikarinn skemmtilegi Kevin James sem fer á kostum sem dýragarðsvörðurinn Griffin Keyes í

Zookeeper , sprenghlægilegri mynd sem hentar vel til áhorfs fyrir unga sem aldna og alla þar á milli.

Griffin elskar starf sitt í dýragarðinum enda þykir honum vænt um dýr og má ekkert aumt eða aflaga sjá án þess að reyna að bæta úr því. Af þessum sökum elska dýrin hann til baka.

En Griffin á við vanda að stríða. Hann hefur nefnilega komist að því að starf hans háir honum í ástarlífinu því hvaða kona vill svo sem vera með manni sem vinnur í dýragarði? Nei, þá er betra að gerast virðulegur sölumaður í jakkafötum með bindi.

Dauðhrædd um að Griffin sé að fara að yfirgefa þau, því hann er besti dýragæslumaður sem þau hafa haft, ákveða dýrin hins vegar að hjálpa honum í kvennavandræðunum gegn því að hann hætti ekki í vinnunni. Um leið neyðast þau til að opinbera leyndarmálið: Þau geta nefnilega talað!

Og þar með er hafin alveg kostuleg atburðarás, fyndin og skemmtileg og full af góðum boðskap.

Kemur út 3. nóvember

• Með raddir dýranna í Zookeeper fara m.a. þau Sylvester Stallone, Cher, Nick Nolte, Adam Sandler og Jon Favreau.

• Leikstjóri Zookeeper , Frank Coraci, hefur gert nokkrar kunnar gamanmyndir á undanförnum árum, þar á meðal Adam Sandler- myndirnar The Waterboy, The Wedding Singer og Click.

• Kevin James skrifaði sjálfur handrit myndarinnar að hluta eins og hann gerði margoft þegar hann lék í sjónvarpsþáttunum

The King of Queens.

• Heimasíða myndarinnar er sérlega skemmtileg, enda gagnvirk og felur í sér ferð um dýragarðinn þar sem meirihluti myndarinnar gerist. Sjá www.zookeeper-movie.net

Veistu svarið?

Kevin James hefur leikið í nokkrum græskulausum gaman-myndum á undanförnum árum, þar á meðal í mynd þar sem Will Smith var mótleikari hans. Hvað heitir sú mynd?

Aðalhlutverk: Kevin James, Rosario Dawson, Leslie Bibb, Ken Jeong, Brandon Keener og Donnie Wahlberg Leikstjórn: Frank Coraci

Lengd: 102 mínútur Öllum leyfð Útgefandi: Sena

PUNKTAR ........................................................

3. nóvember