7 myndir mánaðarins

Kelly Rowland sló í gegn ásamt Beyonce, bestu vinkonu sinni, í Destiny’s Child og hefur einnig gert það gott sem sólólistamaður.

“Alla mína æsku ætlaði ég að verða geðlæknir því þeir voru með svo góð laun. Svo gekk bara allt upp í söngnum og ég var búin að vinna mér inn fyrstu milljónina 18 ára gömul. Þar með fór gamla áætlunin á hilluna.”

Nick Lachey sló í gegn með hljómsveitinni 98 Degrees sem seldi meira en 10 milljónir eintaka á stuttum tíma. Hann hefur einnig gefð út tvær sólóplötur og raunveruleikaþættirnir um hann og Jessicu Simpson nutu mikilla vinsælda.

“Ég ætlaði að verða íþróttaþjálfari. Ég hafði, og hef alltaf haft áhuga á hvers kyns íþróttum og var byrjaður í íþróttaskóla þegar ég sneri mér að tónlistinni. Kannski fer ég aftur í skólann seinna og lýk náminu, hver veit?”

Anna Kendrick er næstyngsta leikkona sögunnar sem hefur hlotið Tony-verðlaunin fyrir besta leik í söngleik á Broadway. Það var fyrir hlutverk hennar í High Society. Síðan lék hún í Twilight-myndunum og var tilnefnd til Óskars fyrir aukahlutverk í myndinni Up in the Air árið 2010.

„Ég ætlaði að verða bakari. Ég var veik fyrir sætabrauði á mínum yngri árum og er það reyndar enn. Ég baka reyndar mikið heima þannig að draumurinn er þarna enn.“

Jesse Tyler Ferguson, sem m.a. hefur slegið í gegn í Modern Family-þáttunum ætlaði sér að verða dýratemjari og vinna í dýragarði áður en leiklistarbakterían náði tökum á honum.

“Ég sé svo sem ekkert eftir því að hafa aldrei fengið vinnu í dýragarði eins og ég ætlaði mér, sérstaklega ekki eftir að ég uppgötvaði að sennilega hefði ég ekki verið látinn gera annað en þrífa upp kúkinn.“

Leikkonan og þáttastjórnandinn Kelly Ripa þarf ekki að örvænta vegna atvinnuleysis enda leiðir hún einn þekktasta spjall- og fréttaþátt í bandarísku sjónvarpi.

“Ég stefndi alltaf á að verða kennari. Eftir á að hyggja þá er það dálítið skrítið vegna þess að mér hundleiddist alltaf í skóla.”

“Ég ætlaði að verða kokkur,” segir Eva Longoria, leikkona. Og ég meina atvinnukokkur því auðvitað varð ég kokkur þótt ég hefði svo sem aldrei farið í skóla til að læra það. En áhuginn er enn til staðar og ég elda mér til skemmtunar, og vonandi einhverjum öðrum til ánægju líka.”

Skemmtibransinn er erfður og það ná ekki allir á toppinn sem vilja það. En hvað ætlaði þetta fólk að verða áður en þeim tókst að fóta sig í hinum harða heimi stjarnanna?

Hvert Var planið ?

Stjörnuspá mánaðarins

Ástæðan fyrir því að þú átt enga vini er að þú burstar ekki tennurnar með Colgate, Colgate, Colgate ... fúor ... sem gerir tennurnar hvítar sem mjöll og eyðir andremmunni á svipstundu. Athugaðu að þessi stjörnuspá fyrir Vatnsbera er styrkt af Colgate.

Vatnsberinn 20. jan - 18. feb

Þú ákveður loksins hvað þú ætlar að verða þegar þú ert orðin(n) stór. Verst að þetta eru algjörir draumórar og skýjaborgir eins og venjulega. Reyndu að ná sambandi við raunveruleikann. Fáðu þér sparibauk og byrjaðu að safna fyrir rótarfyllingunni.

Tvíburarnir 21. maí - 21. júní

Að lifa er að læra og ef þú ert ekki enn búin(n) að fatta að peningar vaxa ekki á trjám heldur í veskinu hans pabba þíns þá muntu uppgötva það í þessum mánuði. Reyndu að glotta ekki svona mikið því það gerir þig óendanlega heimskulega(n) á svipinn.

Vogin 23. sept - 23. okt

Þú brettir upp ermarnar og skrifar blogggrein í mánuðinum. Greinin vekur mikla eftirtekt og þér verður boðið að skrifa handritið að næstu mynd Spielbergs, sem býður þér til Hollywood þar sem þú gistir á Ritz-hótelinu í boði Dreamworks. Svo vaknar þú.

Sporðdrekinn 24. okt - 21. nóv

Þú ferð í sund en gleymir að klæða þig í skýluna/sundbolinn áður en þú ferð í laugina. Láttu þetta ekki á þig fá því öllum er alveg nákvæmlega sama. Láttu slag standa og reyndu við Kristján/Kristínu. Taktu til undir rúminu þínu, það eru pöddur þar.

Bogamaðurinn 22. nóv - 21. des

Þig er farið að hlakka til jólanna sem er auðvitað alveg fáránlegt því það er enn október. Ekki treysta neinum í þessum mánuði og haltu þig sem mest heima við. Dundaðu þér við að giska á hvað hlutirnir í kringum þig eru þungir. Þá mun þér farnast vel.

Steingeitin 22. des - 19. jan

Þú ákveður að stúdera hvað það er nákvæmlega sem gerist þegar málning þornar enda gerist nákvæmlega ekkert í líf þínu þennan mánuðinn, fyrir utan að Gísli frændi þinn kemur þér verulega á óvart í kringum tuttugasta október. Vertu kurteis og þakkaðu fyrir þig.

Krabbinn 22. júní - 22. júlí

Þú ferð í óvænt ferðalag til Ólafsvíkur og þaðan til Búðardals. Mundu að taka veiðistöngina með og nokkra spúna. Fjarskyldur ættingi þinn fytur til Blönduóss. Þú uppgötvar að þú átt gamla frænku í Svínadal og aðra enn eldri á Vatnsnesi.

Ljónið 23. júlí - 22. ágúst

Þeir sem eru fæddir í Meyjarmerkinu ættu að kaupa sér hettupeysu í þessum mánuði enda er útlit fyrir að gamla hettupeysan týnist í þvotti. Prófaðu að skipta yfr í grænmetisrétti til að losna við bóluna á nefnu. Ekki borða pítsu í mánuðinum.

Meyjan 23. ágúst - 22. sep

Þeir Fiskar sem borða brúnaðar kartöfur munu bæta á sig þremur kílóum í mánuðinum. Þess utan verður mánuðurinn sennilega bæði gjöfull og skemmtilegur fyrir alla í Fiskamerkinu nema fyrir Önnu Halldórs og ljóshærða kennarann í Menntaskólanum í Hamrahlíð.

Fiskarnir 19. feb - 20. mars

Þú lendir með vinstri löppina undir valtara í mánuðinum en harkar það af þér. Vertu vakandi yfr tækifærunum sem bjóðast og láttu inneignina ekki klárast því þá missir þú að símtali sem hefði breytt líf þínu til hins betra. Kauptu þér köfóttar buxur.

Hrúturinn 21. mars - 19. apríl

Þú ferð í bíó um miðjan mánuðinn en gleymir peningnum heima. Þú reynir að fá lánað en þegar það gengur ekki svindlar þú þér inn og færð síðan svo heiftarlegt samviskubit að þú getur ekki sofð þrjár nætur í röð. Þetta kennir þér að glæpir borga sig ekki.

Nautið 20. apríl - 20. maí