18 myndir mánaðarins

Teiknimynd/Gaman

Það er sannkallað einvalalið grínista í Rio , sprenghlægilegri og hjartnæmri teiknimynd frá þeim sömu og gerðu Ice Age-

myndirnar.

Arnpáfinn Blu lifir góðu lífi og hann vill halda því þannig. Þegar hann var ungi var honum smyglað frá heimili sínu í Brasilíu en datt síðan bókstaflega af trukknum sem flutti hann í smábæ í Bandaríkjunum. Hin góðhjartaða Linda kom honum til bjargar og ól hann upp. Blu er því vægast sagt góðu vanur en um leið líklega stressaðasti fugl sem um getur.

Einn góðan veðurdag birtist fuglafræðingurinn Tulio á tröppunum hjá Lindu og í ljós kemur að Blu er síðasti karlkyns fugl sinnar tegundar. Tulio býður Lindu og Blu í frí til Rio de Janeiro með því skilyrði að Blu eignist unga með kvenkyns arnpáfa. Blu líst ekki á blikuna, enda dauðhræddur við að fljúga. Hann ræður þó engu og er fyrr en varir kominn í sandinn og sólina í Brasilíu.

Það líður ekki á löngu þar til Blu er kynntur fyrir hinni fögru Jewel og verður hann ástfanginn upp fyrir haus. Jewel er samt andstæða Blu að mörgu leiti. Hún er sjálfstæð, ævintýragjörn og hana dreymir um frelsið. En áður en þau fá tækifæri til að láta ástina blómstra er þeim Blu og Jewel rænt af smyglurum og páfagauknum illa Nigel. Til að þau sleppi síður eru þau hlekkjuð saman. .

Með samvinnu sleppa þau samt úr greipum smyglaranna og flýja inn í skóga Brasilíu þar sem hættan leynist víða. En þar er líka skemmtilegt að vera og þau Blu og Jewel hiitta nú fyrir mörg skemmtileg dýr sem sum hver vilja endilega hjálpa þeim að losna við hlekkina.

Punktar

• Jesse Eisenberg, sem ljær hinum taugaveiklaða Blu röddu sína, er heldur betur á hraðri uppleið í Hollywood. Hann fór með aðalhlutverkið í The Social Network og hlaut eins og menn muna tilnefningu til Óskarsverðlauna fyrir vikið, og fer nú á kostum í gamanmyndinni 30 Minutes or Less .

• Rio er fyrsta teiknimynd kvikmyndaversins Blue Sky síðan það sendi frá sér Ice Age -myndirnar.

• Í byrjun myndarinnar hæðast tvær gæsir að Blu, en Jane Lynch talar fyrir aðra þeirra. Lynch ætti að vera vön því að vera með leiðindi en hún fer með hlutverk hinnar geðillu Sue Sylvester í sjónvarpsþáttunum Glee .

Það verður ást við fyrsta fug

13. október

Rio

Aðalhlutverk: Jesse Eisenberg, Anne Hathaway, George Lopez, Jermaine Clement, Jamie Foxx og Will.i.Am. Leikstjórn: Carlos Saldanha . Lengd: 96 mín. Öllum leyfð. Útgefandi: Sena. Útgáfudagur: 13. október.

Empire

Box Office Magazine

r