Page 34 - DVD-juli_2011

Ævintýramyndin Season of the Witch skartar Nicolas Cage og Ron Perlman í aðalhlutverkunum og gerist á fjórtándu öld. Riddarinn Behmen (Cage) snýr aftur til heimalandsins eftir krossferð til Jerúsalem, en þegar heim er komið er Svarti Dauði að ganga af allri þjóðinni dauðri. Kirkjan kennir göldrum um pláguna og skipar Behmen og Felson (Perlman) að flytja konu sem er grunuð um að vera norn til afskekkts klausturs, þar sem munkar eiga að framkvæma blóðfórn til að stöðva pláguna.

Prestur nokkur, auk sorgmædds riddara, embættismanns og þrjósks unglings, bætast í hópinn áður en lagt er af stað, en ferðin á eftir að vera uppfull af yfirnáttúrulegum þrautum sem ferðalangarnir þurfa að lifa af. Á sama tíma eru stríðandi fylkingar á góðri leið með að tortíma hvor annarri, allt vegna plágunnar. Ná Behmen og Felson að koma norninni í réttar hendur áður en það er um seinan?

• Íslenska tónskáldið Atli Örvarsson samdi tónlistina í myndinni. Er þetta önnur myndin á árinu sem hann semur tónlistina í, en hann sá einnig um tónsmíðar fyrir The Eagle, sem kom í bíó í febrúar.

• Leikstjórinn Dominic Sena hefur áður gert myndir á borð við Gone in Sixty Seconds, Swordfsh og Whiteout. • Þetta er önnur mynd Nicolas Cage í röð sem fjallar um galdra, því síðasta mynd sem hann birtist í var The Sorcerer‘s Apprentice síðastliðið sumar. • Í Japan heitir myndin því áhugaverða nafni Devil Quest.

• Myndin var aðallega tekin upp í Austurríki, Ungverjalandi og Króatíu.

Aðalhlutverk: Nicolas Cage, Ron Perlman, Stephen Campbell Moore, Stephen Graham, Ulrich Thomsen, Claire Foy, Robert Sheehan, Christopher Lee, Rebekah Kennedy

Steven Spielberg hefur verið í fremstu röð leikstjóra og framleiðenda í Hollywood í meira en 30 ár, og árið 201 er eitt hans afkastamesta frá upphaf. Í sumar og haus er hann titlaður framleiðandi fjögurra stórra mynda

Super 8 í leikstjórn J.J. Abrams , Transformers: Dark of the Moon í leikstjórn Michael Bay , Cowboys & Aliens í leikstjórn Jon Favreau og Real Steel í leikstjórn

Shawn Levy . En um jólin mun Spielberg-fóðið ná hámarki, því hann er búinn að leikstýra heilum tveimu myndum sem eru nú um stundir í eftirvinnslu. Önnu er stórmyndin The Adventures of Tintin: The Secre of the Unicorn , og stríðsmyndin War Horse , sem gerist í fyrri heimsstyrjöldinni. Og það sem meira er þær munu koma í bíó í Bandaríkjunum með aðeins nokkurra daga millibili. Af einhverjum ástæðum kemu Tinnamyndin einna seinast til Bandaríkjanna af öllum löndum heimsins, eða þann 23. desember, sem e næstum tveimur mánuðum seinna en í festum löndum Evrópu. Þar sem War Horse á að koma í bíó þar í landi 28. desember verður því slagur tveggja Spielberg-mynda um áramótin þar í landi – ef engu verður breytt í áætlunum þessara mynda.

Page 34 - DVD-juli_2011_web

Page 34 - DVD-juli_2011_web