40 myndir mánaðarins

KRISTEN WIIG

Hefur áður birst í: Saturday Night Live, Knocked Up, Date Night, Extract, Whip It, Paul

Mun slá í gegn fyrir: Bridesmaids

Af hverju: Kristen Wiig hefur birst í misstórum hlutverkum í allmörgum myndum síðustu fmm árin eða svo, og verið áberandi í Saturday Night Live-þáttunum, en Bridesmaids hefur slegið algerlega í gegn í Bandaríkjunum og er það ekki síst talið Kristen og fullkomnum gríntímasetningum hennar að þakka. Það er nokkuð víst að eftir Bridesmaids verður hún í töluvert feiri aðalhlutverkum á næstu árum.

MICHAEL FASSBENDER

Hefur áður birst í: 300, Inglourious Basterds, Fish Tank, Centurion

Mun slá í gegn fyrir: X-Men: First Class, Prometheus

Af hverju: Fassbender hefur náð „Hey, þessi gaur“-stöðu meðal áhorfenda á síðustu fjórum árum, en hlutverk hans sem Erik Lehnsherr/Magneto í X-Men: First Class á eftir að festa nafn hans í sessi í hugum fólks, og Prometheus, Alien-forsaga Ridleys Scott, mun svo koma honum rækilega fyrir á stjörnuhimninum – ef allt gengur eftir.

HENRY CAVILL

Hefur áður birst í: The Tudors, Stardust, Whatever Works

Mun slá í gegn fyrir: Immortals, Man of Steel

Af hverju: Henry hefur þegar byrjað að heilla áhorfendur og kremja nokkur hjörtu í sjónvarpsþáttunum The Tudors, semCharles Brandon, en í desember 2012 verður nafn hans á allra vörum, þar sem hann fer með hlutverk sjálfs Ofurmennisins í væntanlegri risamynd Zacks Snyder (sem Christopher Nolan framleiðir). Í millitíðinni mun hann svo fara með aðalhlutverkið í stóra hasarævintýrinu Immortals, sem er verið að auglýsa sem „næstu 300“. Kemur í ljós hvort það tekst, en Cavill er í það minnsta nægilega sjarmerandi til að hjálpa því að gerast.

CHRIS HEMSWORTH

Hefur áður birst í: Star Trek, A Perfect Getaway, (Thor)

Mun slá í gegn fyrir: (Thor), The Cabin in the Woods, Red Dawn, The Avengers

Af hverju: Fyrir Thor hafði hann birst í 5 mínútur í Star Trek (og átt þær mínútur með húð og hári) og leikið í tveimur smámyndum, auk fjögurra ára í sjónvarpssápunni Home and Away. Á aðeins einu ári sést hann svo í aðalhlutverkum í fjórum stórum myndum og hefur þegar heillað heimsbyggðina í einni þeirra, með últra-sjarmerandi leik sínum sem þrumuguðinn Þór. Eftir ár verður hann orðinn stórstjarna.

CHRIS EVANS

Hefur áður birst í: Not Another Teen Movie, Fantastic Four, Sunshine, Street Kings, Push, Scott Pilgrim vs. theWorld

Mun slá í gegn fyrir: Captain America: The First Avenger, The Avengers

Af hverju: Chris er nú ekki beint óþekktur, því hann hefur sannarlega vakið athygli fyrir persónur á borð við hinn skrautlega og eldfma Johnny Storm í Fantastic Four, lögreglumanninn Paul Diskant í Street Kings og hinn sjálfumglaða Lucas Lee í Scott Pilgrim, en það verður sjálf aðalhetja alvöru ammríkana, Kafteinn Ameríka, sem mun þrusa honum á vetrarbraut stórstjarnanna – og það ekki einu sinni, heldur tvisvar, fyrst síðsumars í sinni eigin mynd og svo næsta sumar með öllum hinum ofurhetjunum í The Avengers.

ROONEY MARA

Hefur áður birst í: Youth in Revolt, A Nightmare on Elm Street, The Social Network

Mun slá í gegn fyrir: The Girl with the Dragon Tattoo

Af hverju: Það kom mjög á óvart þegar hún var valin framyfr nokkrar stórar stjörnur í hið eftirsótta hlutverk Lisbeth Salander í Hollywood-endurgerðinni af Körlum sem hata konur, í leikstjórn Davids Fincher. Hún var nánast óþekkt áður en hún birtist í aukahlutverki í Óskarsmyndinni The Social Network, sem Fincher gerði einnig, og það er því greinilegt að hann hefur trú á henni. Og ef Fincher hefur trú á henni, höfum við það líka.

40 myndir mánaðarins

VONARSTJÖRNUR FRAMTÍÐARINNAR

Á næstu mánuðum munu nokkrir ungir leikarar stimpla sig inn sem stjörnur í augum bíóaðdáenda um allan heim. Við þekkjum kannski einhverja þeirra fyrir, en þeirra ferð á stjörnuhimininn mun taka stórt stökk á næstunni. Lítum á helstu vonarstjörnur næsta árs eða svo.