Sumir leikstjórarar eru gæddir þeirri náðargáfu að geta valið þekkt lög í myndir sínar og breytt sýn manna á þau að eilífu. Quentin Tarantino er einn þeirra, Zack Snyder er annar. Við rifjum hér upp nokkrar af eftirminnilegustu notkunum á þekktu lagi í kvikmynd.

Don‘t Stop Me Now Queen

Shaun of the Dead

Þau hafa fúið alla myndina. Þau eru komin á áfangastað. Og hann er ekki það skjól sem þau töldu. Bareigandinn er orðinn að uppvakningi. Glymskrattinn fer af stað af sjálfsdáðum og ómar Queen fylla andrúmsloftið. Upphefst þá hin hlægilegasta tilraun til slátrunar á gömlum manni/ uppvakningi, sem er ekkert sérstaklega ógnvænlegur, með pool-kjuðum, pílum og öðru lauslegu á barnum, en tilraun til að „kill the Queen“ – þ.e. slökkva á tónlistinni, laðar að alla uppvakninga í hverfnu.

Hallelujah Leonard Cohen Watchmen

Það er komið að því. Nite Owl og Silk Spectre (yngri útgáfurnar) eru loksins búin að horfast í augu við tilfnningar sínar gagnvart hvoru öðru. Þau henda sér í að gera hitt, með tilheyrandi svita, vandræðalegum tilfæringum og grettum við ljúfa tóna Cohens. Það er skrítið. Það er ekki beint kynæsandi. En það er áhugavert. Rómantík hefur aldrei verið skilgreind svona áður.

Stuck in the Middle with You Steelers Wheel Reservoir Dogs

Ein af mörgum perlum Quentins Tarantino. Mr. Blonde dregur upp rakhníf úr kúrekastígvéli sínu og spyr: „Hefuru einhverntíma hlustað á K-Billy – Sounds of the 70‘s? Þetta er í uppáhaldi hjá mér.“ Ekkert svar berst frá þeim kefaða sem bundinn er við stólinn. Á kemur þetta lag og Mr. Blonde vindur sér í að pynta manninn, en ekki fyrr en hann hefur tekið nokkur vel valin dansspor við lagið. Af kemur eyra og hin óumfýjanlega spurning: „Var þetta eins gott fyrir þig og það var fyrir mig?“ Það gerist ekki svalara.

Where Is My Mind? Pixies Fight Club

Með bestu lokasenum allra tíma og skal ekki útlista það frekar hér til að eyðileggja ekki fyrir þeim sem enn eru svo menningarlega fátækir að hafa ekki séð myndina (ráð til þeirra: leigja núna!). Eina sem segja skal er að fullkomnara lag hefði ekki getað verið valið og eiga Pixies endurkomu sína David Fincher, leikstjóra Fight Club, að þakka að miklu leyti.

Somebody to Love Jefferson Airplane The Cable Guy

Viðurstyggilegasta persóna Jim Carrey á ferlinum syngur smell Jefferson Airplane í karíókí á meðan Steven og Robin laumast inn í herbergi og á klippiborðinu blandast eitt undarlegasta nudd sögunnar við yfrdrifna framkomu The Cable Guy. Lagið sló í gegn með Carrey (líkt og fest sem hann kemur nálægt) sem og hinn ótrúlega pirrandi Kapalgaur, enda gaf hann fávitum heimsins eitthvað til að vinna að.

Cat People David Bowie

Inglourious Basterds

Shosanna gerir sig til. Hún stendur tignarleg í rauða kjólnum sínum, málar sig og dregur slör fyrir augu sér. Sjaldan hefur kona herbúist á eins fágaðan en einbeittan hátt. Sjaldan hefur lag komið eins mikið eins og skrattinn úr sauðaleggnum. En til þess er póst-módernisminn og það veit Quentin Tarantino mætavel. Lagið sem var einu sinni lagið úr Cat People (1982), og um það bil það eina góða við þá mynd, var hér með orðið lagið úr Inglourious Basterds.

Texti: Kolbrún Björt Sigfúsdóttir

38 myndir mánaðarins

Lagið verður aldrei samt

38 myndir mánaðarins