Um hvað fjallar myndin?

Persónan mín, Annie, fer í mikla sjálfsskoðun og fellur pínulítið saman þegar besta vinkona hennar giftir sig. Það hjálpar ekki að hinir í brúðkaupinu eru allt fólk sem hún lítur upp til og vill líkjast. Þau sitja þennan rússíbana saman allt frá trúlofuninni að brúðkaupinu sjálfu.

Hvað myndir þú segja að hafi verið erfiðasta senan að leika í?

Líklega senan í flugvélinni. Bara það að þurfa að leika að ég sé undir áhrifum. Mér finnst það mjög erfitt kannski af því að ég hef aldrei leikið einhvern sem er fullur eða skakkur áður. Og þetta varð að líta raunverulega út og ég vildi ekki vera of kjánaleg fyrir framan fjörutíu aukaleikara, töku eftir töku. Ég vissi ekkert hvað ég ætlaði að gera þennan dag, þannig að já, ég var stressuðust yfir þeirri senu.

Líkist þú persónu þinni að einhverju leyti?

Ég held að það sé þónokkuð líkt með okkur. Ég hef alveg verið með gaur einhvern tíma sem ég hefði líklega ekki átt að vera með (hlær). Ég held að flestar konur hafi verið með einhverjum sem þær vita alveg að ber ekki sömu tilfinningar til þeirra, en einhverra hluta vegna látum við okkur hafa það viku lengur en við ættum að gera. Ég samsama mig líka við peningavandann sem hún er í og því að vera í vinnu sem þú veist að er ekki draumastarfið.

Af hverju ættu áhorfendur að sjá Bridesmaids?

Því ég held að fólk muni hlæja mikið – mikið af húmornum í henni er sammannlegur. Svo fáið þið að sjá Jon Hamm úr Mad Men beran að ofan...

Selt!

Já er það ekki? Ég held að myndin hafi stórt hjarta. Í raun er hún um vináttu kvenna og ég held að allir geti fundið sig í því. Það er gaman fyrir strákana líka, ég held þeir verði mjög ánægðir.

Þurfti að tala Jon Hamm til til að hann tæki að sér hlutverkið?

Sko, við sögðum honum frá hugmyndinni og ég er ekki viss hvort hann hafi lesið allt handritið eða ekki. Hann vissi að hann þyrfti að spinna mikið. Jon þekkir líka Judd Apatow, framleiðanda, og við höfum þekkst í nokkurn tíma, þannig að ég er mjög ánægð að hann sagði já.

Eydduð þið miklum tíma saman utan tökustaðs?

Já. Meira að segja áður en tökur hófust. Við leigðum partí-rútu og fórum á karl-strippbúllu í L.A. og kíktum svo á bar. Þetta var eitt skemmtilegasta kvöld lífs míns!

Hvað er partí-rúta?

Það er stór rúta sem er hönnuð að innan eins og limmósína. Það er í raun herbergi inni í rútunni með ljósum og drykkjum og öllu. Þannig að já, við fórum á þessa karl-strippbúllu og það var sjúklega fyndið. Það er allt öðruvísi stemming en á kven-strippbúllum.

Fórst þú á svið?

Nei, bíddu, jú, reyndar (hlær). Þegar sýningin er búin má maður fara upp og fá lítinn kjöltudans. Eins og ég segi, stemningin er allt öðruvísi en á venjulegum strippstað, þarna eru allir að hlæja og öskra allan tímann. Strippararnir eru klæddir eins

og persónur úr Top Gun eða Matrix og það er svaka sýning. Þeir fara ekki úr öllu eða neitt þannig.

Hvað kemur fólki helst á óvart við þig?

Líklega það að ég er mun hljóðlátari en fólk heldur, svona á mannamótum. Ég held að fólk haldi að ef þú ert í Saturday Night Live eða bara ef þú ert grínleikkona, þá sértu sífellt að reyta af þér brandara. Stundum finnst mér fólk horfa á mig og hugsa: er þetta sama manneskjan? (Hlær)

Þannig að fólk gerir ráð fyrir því að þú sért fyndin?

Já, mjög oft gerir það það, sérstaklega í svona viðtölum. Það er eiginlega búist við því að þú segir einhverjar fyndnar sögur eða brandara eða talir með grínrödd í gegnum allt viðtalið. Þannig að stundum líður manni eins og maður sé að valda fólki vonbrigðum. Ég er frekar hljóðlát og ég fer lítið út á lífið (hlær), en það er bara ég.

Þýðing: Kolbrún Björt Sigfúsdóttir.

Kristen Wiig leikur Annie í kvikmyndinni Bridesmaids sem væntanleg er í kvikmyndahús 8. júní. Auk þess eru hún ein af handritshöfundum myndarinnar en handritið tók fjögur ár í vinnslu. Þrátt fyrir að vera góðkunn gríninu er Kristen hljóðlát týpa að sögn, nema kannski á strippbúllum... Við spurðum hana spjörunum úr.

HLJÓÐLÁT Á

MANNAMÓTUM

28 myndir mánaðarins 28 myndir mánaðarins