Page 26 - BIO-juni_2011

Hrollvekjan The Omen frá árinu 1976 er fyrir löngu orðin klassík, en hún fjallaði um fæðingu Andkristsins og því við engu öðru að búast en að eitthvað skuggalegt myndi gerast á tökustað. Flugvél sem aðalleikari myndarinnar, Gregory Peck, ferðaðist í varð fyrir eldingu, en það sama gerðist fyrir aðra fugvél sem handritshöfundurinn faug með. Á meðan tökum stóð réðust þaulæfðir Rottweiler-hundar á þjálfara sinn og þegar tökum lauk í dýragarði réðst eitt ljónið þar á starfsmann og varð honum að bana. Stuttu seinna varð hótelið sem leikstjórinn Richard Donner gisti á fyrir sprengjuárás, en á svipuðu leyti afpantaði Gregory Peck fug á síðustu stundu. Flugvélin hrapaði og létust allir um borð. Eins og sést er kannski ekki skrítið að The Omen sé talin ein bölvaðasta mynd allra tíma.

Eitt eftirsóttasta hlutverkið í Hollywood er jafnframt það hlutverk semmargir hugsa sig tvisvar um áður en þeir taka að sér. Superman-álögin svokölluðu eru sögð stafa af illri meðferð DC Comics á höfundum persónunnar, þeim Joe Shuster og Jerry Siegel, en sagan fór fyrst á kreik eftir mjög dularfullan dauða George Reeve sem lék Superman í geysivinsælum sjónvarpsþáttum. Mörgum árum seinna tók Christopher Reeves að sér hlutverkið, en eins og kunnugt er lamaðist hann eftir fall af hesti sínum. Lee Quigley, sem lék Superman á barnsaldri í sömu mynd, lést aðeins 14 ára gamall eftir að hafa andað að sér eiturgufum. Næstur var það Dean Cain sem lék Superman í þáttunum Lois & Clark. Cain hefur hingað til verið blessunarlega laus við líkamsmeiðsl, en vilja margir meina að ferill hans haf orðið álögunum að bráð, líkt og með Brandon Routh sem setti á sig skikkjuna í Superman Returns, en lítið hefur heyrst frá þeim síðan þeir báru merkið fræga.

Árið 1980 tók John Belushi að sér aðalhlutverkið í myndinni Atuk. Myndin fjallaði um klaufskan eskimóa sem reynir fyrir sér í stórborginni. Belushi lést úr of stórum skammti lyfja á meðan hann undirbjó sig fyrir hlutverkið. Nokkrum árum seinna var hinum síkáta John Candy boðið hlutverkið, en hann lést úr hjartaáfalli áður en hann gat samþykkt. Stuttu seinna var grínistanum íturvaxna Chris Farley boðið hlutverkið og tók hann það að sér, en áður en tökur hófust lést hann sömuleiðis úr of stórum skammti eiturlyfja. Um svipað leyti var Phil Hartman í þann mund að taka að sér aukahlutverk í myndinni þegar eiginkona hans myrti hann. Síðan þá hefur handritið um eskimóann Atuk verið grafð og fær líklegast aldrei að sjá dagsins ljós.

Eins og festir vita lést hjartaknúsarinn James Dean í bílslysi ungur að aldri. En þar með lauk ekki sögu bílsins. Frægur bílasafnari, George Barris, keypti bílfakið og seldi tveimur mönnum búta úr bílnum sem þeir notuðu í sína eigin. Stuttu seinna lentu þeir báðir í bílslysi sem endaði með dauða annars þeirra. Seinna seldi safnarinn tvö dekk úr bíl Deans, en sá sem þau keypti keyrði af veginum þegar þau sprungu bæði á sama tíma, og slasaðist illa. Bíllinn, sem hlaut nafnið Little Bastard, tók ekki vel í það þegar óprúttinn aðili reyndi að stela stýrinu og framsætinu, en við verknaðinn mölbraut ræninginn á sér höndina. Barris ákvað að bíllinn ætti heima á safni en þegar Little Bastard var þangað kominn kviknaði í skúrnum þar sem hann var geymdur. Varð allt þar inni, að bílnum undanskildum, eldinum að bráð. Nokkrum árum seinna var Little Bastard futtur með trukk, en bílstjórinn missti stjórn á bílnum og kastaði sér út. Ekki slapp hann betur en svo en að Little Bastard valt af futningabílnum og kramdi manninn. Þegar loks átti að skila bílnum til Barris hvarf tryllitækið og hefur ekki sést síðan.

Líkt og á mörgum stöðum lifr hjátrú góðu líf í Hollywood. Ýmist eru það undarlegir atburðir á tökustað eða heilu handritin sem ill álög eru sögð hvíla á, sem hræða líftóruna úr stjörnunum. Hér fyrir neðan teljum við upp heldur dularfulla hluti og ákveði hver fyrir sig hvort um sé að ræða hreina tilviljun eða eitthvað skuggalegra.

Page 26 - BIO-juni_2011_web

Page 26 - BIO-juni_2011_web