24 myndir mánaðarins

TRON: Legacy er spennuþrungin sci-fi mynd sem segir frá hinum 27 ára Sam Flynn (Garrett Hedlund), en kvöld eitt fyrir meira en 20 árum hvarf faðir hans, Kevin (Jeff Bridges), sporlaust. Sam hefur allan þennan tíma viljað vita hvað varð um föður sinn, en sérhæft sig í tölvuforritun og –leikjum undanfarin ár, en vill þrátt fyrir það sem minnst vita af hugbúnaðarfyrirtæki föðurins týnda, sem í dag er stórfyrirtæki um allan heim, og siðlaust eftir því.

Einn daginn fær Sam vísbendingu um afdrif föður síns, en hún leiðir hann að gamla

tölvuleikjasalnum sem hann rak, en hefur staðið óhreyfður í yfir 20 ár. Þar finnur Sam leyniherbergi bak við kassann þar sem hægt er að spila tölvuleikinn TRON og þar gerist hið ómögulega: að honum er varpað inn í veröld tölvuleiksins. Þar finnur hann Kevin, sem hefur dvalið þar allan þennan tíma, en saman þurfa þeir að komast af inni í hættulegum leiknum vilji þeir einhvern tíma komast burt þaðan aftur. Tíminn er afar naumur og óvinurinn reynist vera harla kunnuglegur...

Punktar

• Myndin er framhald af TRON frá 1982, en sú mynd er fræg fyrir að vera fyrsta kvikmyndin sem notaði tölvugrafík í miklu magni.

• Áform um gerð framhalds höfðu verið í gangi í mörg ár, en ekkert gerðist fyrr en Joseph Kosinski leikstjóri fékk að taka upp svokallað „VFX-próf“ til að sannfæra Disney um að gera myndina. Myndbrotið var sýnt á Comic-Con 2008 og eftir að fagnaðarlátunum þar linnti var Disney ekki lengi að setja framleiðsluna af stað. • Jeff Bridges, sem lék einnig í upphaflegu TRON-myndinni, þurfti að láta skanna andlitið á sér í tölvuforrit fyrir tæknibrelluvinnslu myndarinnar. Persóna Jeffs, Kevin, þurfti að láta skanna andlitið á sér á mjög svipaðan hátt í fyrri myndinni.

• Búningarnir í myndinni kostuðu alls 13 milljónir dollara, meira en margar aðrar kvikmyndir kosta í heild. • Leikstjórinn Joseph Kosinski á sér óvenjulega fortíð af leikstjóra að vera, en hann er hámenntaður arkitekt. Það sést greinilega í hönnun myndarinnar. • Tölvuleikurinn TRON er til í raun og veru. Hann er þó ekki gefnn út af Encom, fyrirtækinu í myndinni, heldur Bally-Midway. Engar fregnir hafa borist af því að raunverulegt fólk haf horfð inn í þann leik. • Eitt af plakötunum í herbergi Sam í æsku er fyrir myndina The Black Hole frá 1979, en næsta verkefni Joseph Kosinski er einmitt að gera framhald af þeirri mynd. • Steven Lisberger, leikstjóri fyrstu TRON-myndarinnar, birtist í smáhlutverki sem barþjónn á klúbbnum End Of Line.

SCI-FI / SPENNA

Aðalhlutverk: Jeff Bridges, Garrett Hedlund, Olivia Wilde, Bruce Boxleitner, James Frain, Beau Garrett, Michael Sheen, Anis Cheurfa

Leikstjóri: Joseph Kosinski

Handrit: Edward Kitsis, Adam Horowitz, Brian Klugman, Lee Sternthal

Kvikmyndataka: Claudio Miranda

Tónlist: Daft Punk

Lengd: 125 mínútur

Útgefandi: Samflm

.

DÓMAR

AÐSÓKN

verðlaun

Bandaríkin:

171,4 milljónir dollara - #12 árið 2010 / 1 vika #1 / 8 vikur á topp 20

Á heimsvísu:

396,3 milljónir dollara - #13 árið 2010

Ísland:

14.328 áhorfendur - #37 árið 2010 / 4 vikur á topp 10

Óskarsverðlaun 2011 1 tilnefning: Besta hljóðklipping

Kvikmyndaverðlaun Mynda mánaðarins og Kvikmyndir.is 2011

3 tilnefningar: Besta plakat / Bestu tæknibrellur / Besta tónlist

Annað: 1 verðlaun / 6 tilnefningar

Boxoffce Magazine Kvikmyndir.is Empire Roger Ebert Reel Film New York Post Rolling Stone New York Daily News IMDb.com

RottenTomatoes.com

**** **** *** *** *** *** *** *** 72/100 50/100

Leikurinn hefur breyst

20.apríl

TRON: Legacy