Nýtt á Stöð 2 Maraþon

DramaHrollvekjaRáðgáta
Leikstjórn Neil Jordan
Söguþráður Frances er ung stúlka sem dag einn finnur handtösku sem einhver hefur gleymt í sæti lestar. Í töskunni er sem betur fer að finna nafnskírteini eigandans, Gretu Hideg, sem Frances ákveður í framhaldinu að finna og koma töskunni til. Hún gerir sér auðvitað enga grein fyrir að töskufundurinn er í raun lífshættuleg gildra sem hún er um það bil að fara að ganga í. Eigandi töskunnar, hin miðaldra Greta, virðist í fyrstu vera hin viðkunnanlegasta og svo fer að á milli hennar og Frances myndast ákveðinn vinskapur sem leiðir til þess að Frances fer að venja komur sínar á heimili hennar. Kvöld eitt rekst hún hins vegar á vísbendingar sem hringja öllum viðvörunarbjöllum – en kannski er það of seint?
SpennumyndGamanmyndVísindaskáldskapur
Leikstjórn Barry Sonnenfeld
Söguþráður Þeir K og J eru sem fyrr uppteknir af því að bjarga veröldinni sem við hin lifum í og þurfa auðvitað að passa sig á því að enginn nema þeir og hitt fólkið í svörtu komist að leyndarmálunum sem þeir hafa komist að. En það er eitt leyndarmál sem enginn hefur enn uppgötvað ... fyrr en daginn sem J mætir í vinnuna og kemst að því að K er ekki til! Í ljós kemur að hann var í raun myrtur árið 1969 og skyndilega hefur öll heimsmyndin breyst frá því sem var í gær. Til að redda málunum verður J að ferðast aftur til ársins 1969 til að hitta K á meðan hann er enn á lífi og koma í veg fyrir að hann deyi. Takist það ekki er voðinn vís fyrir allt mannkyn.
Útgefin: 20. september 2012
SpennumyndGamanmyndVísindaskáldskapurÆvintýramynd
Leikstjórn Barry Sonnenfeld
Söguþráður Fyrir lögreglufulltrúann J, þá er þetta ofurvenjulegur dagur í vinnunni. Hann er að fylgjast með, gefa út leyfi og halda uppi lögum og reglu meðal geimvera á jörðinni. Einn daginn þá fær J skýrslu um óleyfilega lendingu geimskips nálægt New York. Þetta er gamall óvinur sérsveitarinnar Svartklæddu mannanna, Men In Black, geimvera frá Kyloth sem heitir Surleena. Geimveran er að leita sér að kraftmiklum grip sem heitir Ljós Zartha. J fer að rannsaka málið og fljótlega kemst hann að því að hann þarfnast hjálpar. Til allrar óhamingju þá eru fáir sem eru tilbúnir að vinna með honum, eða eru færir um það, og því leitar hann til K.J þarf að uppfæra minni K, þannig að hann muni allt sem gerðist þegar hann var MIB, og síðan þurfa þeir að stöðva Surleena, áður en það verður of seint.
SpennumyndGamanmyndVísindaskáldskapur
Leikstjórn Barry Sonnenfeld
Söguþráður Myndin fjallar um hetjudáðir lögreglufulltrúanna Kay og Jay, sem eru meðlimir háleynilegra samtaka sem sett voru á stofn til að fylgjast með og reyna að hafa stjórn á athöfnum geimvera á Jörðinni. Núna eru þeir í miðju samsæri þar sem hryðjuverkamaður, sem starfar í alheiminum, er kominn til Jarðar til að myrða tvo fulltrúa frá óvinaplánetum hans. Til að koma í veg fyrir að alheimurinn fari í uppnám, þá verða svartklæddu mennirnir, Men in Black, að elta uppi hryðjuverkamanninn, og koma í veg fyrir tortímingu Jarðarinnar....sem sagt bara venjulegur dagur í vinnunni hjá þeim félögum.
GamanmyndRómantískDrama
Leikstjórn Tracey Hecht
Söguþráður Will er arkitekt á Manhattan, og allt virðist leika í höndunum á honum. Hann á vel rekið fyrirtæki, fallega konu, og son, auk þess sem hann er með nýtt tilboð í höndunum um samruna við risafyrirtæki í Brooklyn. En þá hittir hann hinga ungu Kate, og fer að endurhugsa allt sitt líf. Getur maður sem hefur lifað samkvæmt áætlun allt sitt líf, fundið hugrekkið til að byrja að lifa því lífi sem hann raunverulega vill lifa?
GamanmyndDramaÆviágrip
Leikstjórn Stephen Merchant
Söguþráður Sönn saga glímudrottningarinnar Sarayu-Jade Bevis sem undir sviðsnafninu Britani Knight (síðar Paige) hóf atvinnuferil í glímu þrettán ára gömul og vann sig upp í bandarísku WWEatvinnumannaglímuna þar sem hún varð aðeins 21 árs að aldri yngsta konan til að vinna svokallaða Divas-glímukeppni. Þessi merka saga sem hér er sögð á gamansaman hátt sækir efnið að stórum hluta í samnefnda heimildarmynd frá árinu 2012 um bresku Bevis-fjölskylduna, en allir fimm fjölskyldumeðlimirnir voru atvinnumenn í fjölbragðaglímu.
Útgefin: 23. maí 2019
SögulegÆviágrip
Leikstjórn Yorgos Lanthimos
Söguþráður The Favourite gerist á valdatíma Önnu Englandsdrottningar (1702–1714) og hefst árið 1708 þegar stríð Englendinga og Frakka stóð sem hæst. Anna drottning var alla tíð frekar heilsulítil og hafði mun meiri áhuga á eigin hugðarefnum en stjórnmálum. Það reyndu ýmsir að nýta sér, þ. á m. hennar hægri hönd, Sarah Churchill, hertogaynja af Marlborough, sem einnig var ástkona hennar. En þegar frænka Söruh, hin smánaða barónessa Abigail Masham, kemur til hirðarinnar í atvinnuleit hefst valdabarátta sem á eftir að breyta öllu ...
DramaHrollvekjaÆviágrip
Leikstjórn Jonas Åkerlund
Söguþráður Hinn sautján ára gamli Euronymous er staðráðinn í að flýja friðsælan skandinavískan heimabæ sinn til að geta einbeitt sér að því að búa til "ekta norska black-metal tónlist" með hljómsveitinni sinni MAYHEM. Dead og Varg slást í lið með honum, en þeir eru jafn ástríðufullir rokkhundar og Euronymous sjálfur er. Trúandi því að þeir séu á barmi nýrrar tónlistarbyltingar, verður drifkraftur hópsins enn myrkari en áður í anda black-metal hugmyndafræðinnar um útbreiðslu illsku. Bandið byrjar að brenna niður kirkjur um allt landið og stela legsteinum fyrir þeirra eigin plötubúð. En þegar fjölmiðlarnir komast á sporið af þeim tekur Euronymous meiri heiður en raun ber vitni fyrir ofbeldisverk hópsins, Varg sem er nýsloppinn úr fangelsi og er ósáttur við málið skipuleggur skuggalegan hitting, bæði til þess að leysa úr málunum og eins afgera hver myrkasti black-metal tónlistarmaður í raun og veru er…
DramaHrollvekjaSpennutryllir
Leikstjórn Lars von Trier
Söguþráður Jack er raðmorðingi, og mjög gáfaður að auki. Fylgst er með honum á 12 ára tímabili, og ódæðisverkin sem skilgreina hann sýnd hvert af öðru. Eftir því sem lögreglan kemst betur og betur á sporið, þá tekur hann sífellt meiri áhættu, til að skapa hið fullkomna “listaverk”.
DramaTónlistarmyndÆviágrip
Leikstjórn Icíar Bollaín
Söguþráður Mynd um ævi og feril kúbanska dansarans Carlos Acosta, en myndin byggir á sjálfsævisögu hans NO WAY HOME – A CUBAN DANCER’S STORY sem fjallaði um uppvöxtinn á Kúbu, aðdragandann að því að hann varð dansari, flutninginn til London og samband hans við föður sinn, fjölskylduna og heimalandið. Carlos Acosta er fyrir löngu síðan orðinn lifandi goðsögn í dansheiminum og var meðal annars fyrsti svarti listamaðurinn til að dansa mörg hver af mikilvægustu og frægustu hlutverkunum í ballettheiminum, þar á meðal sem Rómeó í uppfærslu Konunglega ballettsins í London.
Drama
Leikstjórn Lukas Dhont
Söguþráður Hin 15 ára Lara er ákveðin í að verða atvinnu balletdansari. Með stuðningi föður síns eltir hún þann draum í nýjum skóla. Gremja og óþolinmæði unglingsáranna magnast upp hjá Lara þegar hún gerir sér grein fyrir því að líkami hennar beygist ekki eins auðveldlega eftir ströngum reglum balletsins, en ástæður þess má aðallega rekja til þess að henni var úthlutað vitlausu kyni við fæðingu.
Drama
Leikstjórn Nadine Labaki
Söguþráður Fimm ára drengur kærir foreldra sína fyrir vanrækslu á meðan hann tekur út 5 ára fangelsisdóm fyrir ofbeldisfullan glæp.
Söguþráður
Fjölskyldumynd
Leikstjórn Camille Stochitch
Söguþráður Sönn saga hálfsystranna Addyar og Ellu sem eignuðust smáhestinn Spanky og Jack Russell Terrier-hvolpinn Dally á sama tíma og uppgötvuðu að á milli dýranna myndaðist eins sönn og kær vinátta og hún getur orðið. Þeir Dally og Spanky eru þekktir í Bandaríkjunum, svo og hálfsysturnar Addy og Ella, eigendur þeirra og þjálfarar, enda hafa þær ferðast um landið á undanförnum árum og gefið fólki kost á að sjá vinina tvo leika listir sínar auk þess að koma fram í mörgum sjónvarpsþáttum. Í þessari mynd hverfum við til upphafsins og fáum að sjá hvernig allt byrjaði þegar faðir Addyar gaf henni smáhestinn Spanky rétt áður en hann lét lífið í bílslysi. Þótt Addy vildi eiga Spanky áfram kom fljótlega í ljós að kostnaðurinn við það var of mikill og því kom það til álita að selja hann. En þegar hún og systir hennar Ella, sem átti hvolpinn Dally, uppgötvuðu vináttubönd þessara tveggja dýra ákváðu þær að þjálfa þau upp og skrá þau síðan í hæfileikakeppni. Þar með hófst ævintýrið sem enn sér ekki fyrir endann á ...
RómantískDrama
Leikstjórn Jenny Gage
Söguþráður Tessa er ung og ábyrg stúlka sem er nýbyrjuð í framhaldsskóla fjarri heimaslóðunum. Skömmu eftir að hafa komið sér fyrir á heimavistinni hittir hún Hardin Scott sem við fyrstu kynni virðist vera einn af þeim strákum sem Tessa ætti að halda sig fjarri. En þrátt fyrir framkomu hans er eitthvað við hann sem heillar Tessu og í gang fer atburðarás með afar óvæntri fléttu.
SpennumyndRómantískÆvintýramynd
Leikstjórn Robert Rodriguez
Söguþráður Þegar tæknifræðingurinn Ido finnur höfuð og búk vélmennis á ruslahaug ákveður hann að taka það með sér heim og reyna að kveikja á því á ný. Það tekst og eftir að hafa smíðað nýja útlimi á vélmennið nefnir Ido það Alitu. Í ljós kemur að Alita man ekki neitt úr fortíðinni eða hvaða hlutverki hún gegndi en uppgötvar í staðinn að hún býr yfir gríðarlega öflugri bardagatækni sem hún fær fljótlega ástæðu til að láta á reyna.
Útgefin: 16. maí 2019
SpennumyndVísindaskáldskapurÆvintýramynd
Leikstjórn Ryan Fleck, Anna Boden
Söguþráður Upprunasaga ofurhetjunnar ms. Marvel sem síðar var nefnd Captain Marvel og er að margra mati svalasta og kraftmesta ofurhetja Avengers-gengisins. Myndin gerist á tíunda áratug síðustu aldar þegar Carol, sem er orrustuflugmaður í Bandaríkjaher, lendir ásamt félögum sínum og öðrum Jarðarbúum mitt á milli í stríði tveggja ógnvekjandi geimverutegunda sem berjast hatrammlega um alheimsyfirráð. Sú styrjöld hefði sennilega gert út af við lífið á Jörðinni ef Carol hefði ekki borið gæfu til að öðlast þá ofurkrafta sem gerðu henni kleift að breyta sér í Captain Marvel og um leið í bjargvætt mannkynsins ...
Hrollvekja
Söguþráður Þegar Louis Creed fær stöðu stjórnanda við sjúkrahús í Maineríki flytur hann ásamt fjölskyldu sinni í hús sem stendur við útjaðar bæjarins Ludlow. Framtíðin virðist björt eða allt þar til voveiflegur atburður verður til þess að Louis grípur til úrræðis sem á eftir að gera illt verra - í orðsins fyllstu merkingu!
GamanmyndDrama
Söguþráður Í þetta sinn snúast vandamál Verneuilhjónanna um að dætur hjónanna og menn þeirra eru að spá í að flytja frá Frakklandi og til upprunalands eiginmannanna, þ.e. Alsírs, Kína, Ísraels og Fílabeinsstrandarinnar. Á þær hugmyndir geta þau Claude og Marie ekki fallist og ákveða að fara í róttækar aðgerðir til að sanna að Frakkland sé besta land í heimi til að búa í. Inn í málin blandast svo foreldrar eins tengdasonarins sem komnir eru til Frakklands til að vera viðstaddir brúðkaup systur hans og komast þá að því sér til mikillar skelfingar að hún er að fara að giftast konu ...
RómantískDrama
Leikstjórn Dan Fogelman
Söguþráður Líf fólks frá New York og Spáni fléttast saman í gegnum nokkrar kynslóðir. Myndin hefst á því að segja frá handritshöfundinum Will, en líf hans breytist skyndilega þegar ófrísk eiginkona hans, Abby, fer frá honum. Sálarástand hans hefur áhrif á dóttur hans Dylan, sem sjálf á í ýmsum vandræðum í einkalífinu í New York. Hún kynnist Rodrigo, ungum manni sem á sjálfur í vanda, en hann ólst upp á ólífuekru á Spáni. Ákvarðanir forfeðra þeirra hafa áhrif á kynslóðirnar sem á eftir koma, og færa þau saman á endanum.