Fyrsta sýnishorn úr Avatar: The Way of Water

Nýjasta kynningarstiklan fyrir Avatar: The Way of Water sem undanfarna daga hefur einungis verið hægt að sjá í bíó á undan Doctor Strange in The Multiverse of Madness hefur núna verið gerð aðgengileg á netinu.

Avatar: The Way of Water hefur verið beðið með mikilli eftirvæntingu en mikil leynd hefur hvílt yfir myndinni. Stikla þessi er það fyrsta sem áhorfendur fá að sjá úr myndinni.

Avatar: The Way of Water er framhald af Avatar sem kom út árið 2009 og er enn í dag, 13 árum eftir hún kom út, tekjuhæsta kvikmynd allra tíma.

Avatar the Way of Water gerist áratug eftir atburði fyrstu myndarinnar og segir frá Sully fjölskyldunni (Jake, Neytiri og börnum þeirra) og þeim ógnum sem þau standa frammi fyrir.

Sigourney Weaver, Kate Winslet, Michelle Yeoh, Edie Falco, Stephen Lang, Giovanni Ribisi, Oona Chaplin, Jermaine Clement ásamt fleirum fara með hlutverk í Avatar: The Way of Water.

Myndin er væntanleg í bíó hér á landi þann 16. Desember.

Sjáðu kitluna hér fyrir neðan: