Hvar er íslenska sci-fi myndin?

Strákarnir í hlaðvarpsþættinum Poppkúltúr skoða hvað einkennir góða upplifun á hryllingsmynd og hver algengustu mynstur fólks eru sem elskar bregðumyndir. Jafnframt segir Sigurjón frá því þegar ein hrollvekja sat í honum vikum saman og hélt fyrir honum vöku. Hvenær og hvernig er best að njóta verka sem eiga að hræða úr þér allt vit? Einhvers staðar er mælikvarði á væntingum til stemningar og martraðarfóðurs.

Þá fer umræðan að skiptast yfir í íslenska kvikmyndagerð, aðsókn á íslenskar bíómyndir, lélegt aðgengi að mörgum þeirra og hvort sniðugt sé að gera mynd í fullri lengd um villinunnu.

Þáttinn má nálgast hér gegnum Spotify, en heildarlista hlaðvarpsþátta er að finna hér.