Fast & Furious 7 seinkað – Walker verður með

Paul Walker mun leika í sjöundu Fast & Furious-myndinni. Þetta staðfesti kvikmyndaverið Universal Pictures.

walker fast

Handritshöfundar hafa reynt að breyta handritinu að undanförnu, eftir að Walker lést í bílslysi fertugur að aldri.

Universal hefur einnig tilkynnt að myndin komi út níu mánuðum síðar en upphaflega var áætlað vegna tafa við framleiðsluna og vegna þess að endurbæta þurfti atriði sem þegar var búið að taka upp.

Frumsýningardagur er áætlaður 10. apríl 2015.

Leikstjóri verður James Wan og þeir Neal H Moritz og Vin Diesel framleiða.