Heppinn í ástum sigrar kosninguna

Gamanmyndahátíð Flateyrar í samstarfi við Reykjavík Foto stóðu fyrir 48 stunda gamamyndakeppni á dögunum, þar sem þátttakendur fengu aðeins 48 klst til að fullvinna stutta gamanmynd með þemanu Heppni/Óheppni. Alls voru á þriðja tug stuttmynda sendar inn í keppnina, þar sem landsmenn gátu horft á þær og kosið sína uppáhalds gamanmynd.

Kosningin stóð yfir á heimasíðu Gamanmyndahátíðarinnar og er hægt að horfa á allar innsendar myndir þar. Það var myndin Heppinn í ástum eftir þá Árna Þór Guðjónsson, Jón Ólaf Hannesson og Killian G.E Briansson Fitzgibbon sem sigraði kosninguna og hlutu þeir Canon myndavél frá Reykjavík Foto að launum.

Allir þátttakendur í 48 stunda gamanmyndakeppninni fengu þar að auku hátíðararmbönd á Gamanmyndahátið Flateyra, sem fer fram þetta árið dagana 13.-16. ágúst. Á hátíðinni verður sýndar bæði nýjar og gamlar innlendar og erlendar gamanmyndir í bland við uppistand, leiksýningar, tónleika og fleira.

Hægt er að horfa á sigurmyndina hér:


Allar myndirnar sem tóku þátt í keppninni eru aðgengilegar hér.