Ofurhetjusmellurinn Avengers: Infinity War situr nú sína þriðju viku í röð á toppi íslenska bíóaðsóknarlistans eftir sýningar helgarinnar. Nýjasta gamanmynd Amy Schumer, I Feel Pretty, kemur í humátt á eftir í öðru sætinu.
Þriðja sætið fellur svo íslenska tryllinum Vargi í skaut, en hún fer niður um eitt sæti frá því í síðustu viku.
Auk I Feel Pretty eru þrjár nýjar myndir á listanum að þessu sinni. Önnur gamanmynd, Overboard, fór beint í fjórða sæti listans, í 21. sætið fór The Square og að lokum í 26. sætið settist Good Time.
Sjáðu listann í heild sinni hér fyrir neðan:
