Nýtt á Vodafone Leigunni

Í þessari framhaldsmynd af Dune verður sagt frá ferðum Paul Atreides ásamt Chani og Fremen á plánetunni Arrakis, og hefndum gegn þeim sem lögðu á ráðin um árásina og drápið á Atreides fjölskyldunni. Paul stendur frammi fyrir erfiðu vali á milli draumaprinsessunnar og örlaga alheimsins. Markmiðið er að koma í veg fyrir hræðilega framtíð sem hann einn veit hver verður.

Mynd um líf og störf hins goðsagnakennda reggí tónlistarmanns Bob Marley.

Þrjóskur og skapbráður þjálfari í yngri flokkunum í körfubolta er neyddur til að þjálfa lið fyrir Ólympíuleika fatlaðra, þegar hann er dæmdur til að sinna samfélagsþjónustu. Hann kemst fljótlega að því að þrátt fyrir efasemdir í byrjun, þá gæti liðið náð mun lengra en þau, hann og liðið, í sameiningu gátu ímyndað sér.

Indversk-bandarískur unglingur, Sam, sem á í innri glímu við eigin menningarlegu sjálfsmynd lendir upp á kant við bestu vinkonuna. Við það leysist úr læðingi djöfuleg vera sem vex og vex eftir því sem Sam verður meira einmana.

Ung stúlka dvelur hjá ömmu sinni og afa í borginni á meðan hún þreytir inntökupróf í listhóp. Þegar fjölskyldan, sem hefur ekki hist í langan tíma, kemur saman til að fagna inntöku hennar í hópinn koma ljót fjölskylduleyndarmál upp á yfirborðið og kvöldið endar með hræðilegum harmleik.

Grimmileg hefndarför eins manns hefur áhrif á þjóðfélagið allt eftir að í ljós kemur að hann er fyrrum liðsmaður háleynilegrar sérsveitar sem þekkt er undir nafninu Beekeepers, eða Býflugnabændurnir.

Íbúar niðurníddrar franskrar blokkar berjast við her stórhættulegra köngulóa sem fjölga sér á ótrúlegum hraða.

Bea og Ben líta út sem hið fullkomna par, en eftir frábært fyrsta stefnumót gerist eitthvað sem breytir ástríðuhitanum yfir í algjört frost - þar til þau hittast óvænt í brúðkaupi í Ástralíu. Þau ákveða því að gera það sem allir þroskaðir fullorðnir einstaklingar gera: þykjast vera par.

Iris erfir niðurnídda krá eftir föður sinn. Hún fer til Berlínar til að bera kennsl á líkið og hitta lögfræðing til að ræða dánarbúið. En án þess að hafa um það nokkurn grun þá tengist hún skelfilegu fyrirbæri sem býr í kjallara barsins um leið og hún skrifar undir - Baghead – veru sem getur ummyndast og breytt sér í þá dauðu.

Í myndinni er spólað hratt áfram í tíma, eða allt fram á níunda áratug síðustu aldar. Þar bíða ný ævintýri eftir Wonder Woman, og nýir þorparar sem hún þarf að takast á við, þeir Max Lord og The Cheetah.

Kráareigandi í litlum námubæ sem hefur verið í hnignun síðustu þrjátíu ár lendir í erfiðri stöðu þegar hópur sýrlenskra flóttamanna sest skyndilega að í samfélaginu.

Sú hugmynd Daniel Powell að vilja tengjast aftur systkinum sínum reynist ekki sú besta þegar hann kemst að því að þau vilja öll drepa hann útaf peningum, en faðir hans erfði hann einan að miklum auðævum. Þegar bræðurnir og systurnar neyðast til að eyða helgi saman í strandhúsi fjölskyldunnar á Cayman eyjum, þá er eitt kýrskýrt: Daniel kemst að því hvað það þýðir að eiga fjölskyldu, jafnvel þó að hann komist ekki lifandi frá því.

Hinn ungi Willy Wonka leggur af stað í þá vegferð að breiða út gleði í gegnum súkkulaði, og slær fljótlega í gegn.

Mynd um sögu hljómsveitarinnar The Birthday Party, einnar þekktustu og áhrifamestu hljómsveitar neðanjarðarsenunnar. Hljómsveitin er stofnuð af Nick Cave og skólabræðrum hans og vakti bandið mikla athygli fyrir villta sviðsframkomu og stjórnlausan lífsstíl. Birtar eru áður óséðar myndir og myndbrot.

Hópur bandarískra hermanna af afrísk-amerískum ættum er sendur í björgunarleiðangur á óvinasvæði til að finna týndan yfirmann og orrustuflugmann sem skotinn var niður.

Louis, sem á við andlega fötlun að stríða, er ranglega sakfelldur fyrir morðið á systur sinni Delia og sendur í fangelsi í fimm ár. Þegar hann losnar út heimsækir hann maður sem var líklega sá síðasti sem sá hana á lífi. Hann gefur í skyn að ekki sé allt sem sýnist hvað morðið varðar. Louis heldur nú af stað í leit að þeim sem er ábyrgur fyrir dularfullum dauða systur sinnar.

Black Manta, sem mistókst að sigra Aquaman í fyrstu atrennu, er enn ákafur í að hefna föður síns, og mun ekki hætta fyrr en Aquaman er allur. Black Manta er óárennilegri en nokkru sinni fyrr og hefur öðlast krafta hins goðsagnakennda svarta þríforks, sem leysir úr læðingi ævaforna og illa orku. Til að sigra í þessari baráttu snýr Aquaman sér til bróður síns Orm, fyrrum konungs Atlantis, og biður um aðstoð. Saman þurfa þeir að leggja eigin ágreiningsmál til hliðar til að vernda konungsríkið og bjarga fjölskyldu Aquaman og heiminum öllum frá gereyðingu.

Clarence leitar betra lífs fyrir sig og fjölskylduna. Hann heillast af hinum nýja Messíasi, Jesú Kristi, og lærisveinum hans. Hann ákveður að leggja allt undir og uppgötvar að trúin gæti verið leiðin til frelsis.

Dom Toretto og fjölskylda hans hafa skákað hverjum einasta fjandmanni sem orðið hefur á vegi þeirra og oft hafa leikar staðið tæpt. Nú standa þau andspænis hættulegasta óvininum til þessa: Hræðilegri ógn sem birtist úr skuggalegri fortíðinni og vill hefna sín á grimmilegan hátt. Hann er staðráðinn í að sundra fjölskyldunni og eyðileggja allt og alla sem Dom þykir vænt um, til frambúðar.