Hinn skemmtilegi leikari og sprellikarl Ewan McGregor ( Trainspotting ) og Tilda Swinton ( The Beach ) eru nú að fara að leika saman í myndinni Young Adam. Er hún byggð á skáldsögu eftir Alexander Trocchi og verður framleidd af Recorded Picture Company sem hefur m.a. framleitt The Last Emperor eftir Bernando Bertolucci. Fjallar hún um flakkara sem er að hjálpa prammaeiganda og konunni hans á síkinu milli Glasgow og Edinborgar þegar hann finnur konulík í vatninu. Tökur hefjast í Glasgow í ágúst.
