George Clooney leikstýrir í fyrsta sinn

Smjörfolinn George Clooney ( O Brother, Where art thou? ) er nú að fara að leikstýra sinni fyrstu mynd. Verkefnið sem um er að ræða er Confessions of a Dangerous Mind, og er handritið skrifað af hinum súra snillingi Charlie Kaufman ( Being John Malkovich ). Löngu var búið að ráða Clooney til að leika í myndinni en svo festist hún í framleiðsluferlinu. Ýmis nöfn hafa komið að myndinni og farið strax aftur, eins og Johnny Depp ( Sleepy Hollow ) og leikstjórinn Brian Singer ( X-Men ). Varð hann því þreyttur á allri biðinni og tók því verkefnið að sér til að bjarga myndinni frá hægum dauðdaga. Gott hjá Klunnanum.