Wayans bræðurnir ( Scary Movie ) eru með nokkrar nýjar myndir í burðarliðnum nú eftir að Scary Movie 2 er tilbúin. Sú sem næst virðist vera því að komast í framleiðslu fjallar um tvo svertingja sem virðast ekki getað orðið frægir sem svertingjar og taka því upp á því að þykjast vera hvítir og stofna drengjahljómsveit (boy-band). Mun myndin því aðallega gera grín að MTV-kynslóðinni og drengjahljómsveitum yfirhöfuð, þó þeir félagar segist ætla að færa sig örlítið frá grófum húmor eins og í Scary Movie. Ekki er enn búið að festa neina leikara og ekki er enn ljóst hvort einhver þeirra muni leikstýra sjálfur.
