Bill Murray og Sigourney Weaver

Bill Murray og Sigourney Weaver eru nú að fara að leika saman í mynd. Nefnist hún The Wedding Contract og fjallar um auðug, snobbuð hjón sem leikin eru af þeim tveimur, sem komast að því að tengdaforeldrarnir eru flæktir í skipulagða glæpi og verða þau leikin af Harvey Keitel og Candice Bergen. Handritið er skrifað af Howard Franklin, sem einnig skrifaði Quick Change sem var með Murray í aðalhlutverki.